نرخی نەوت دابەزی

K24 - ھەولێر

لەگەڵ بەرزبوونەوەی ژمارەی تووشبووان بە ڤایرۆسی کۆرۆنا، نرخی نەوت لە بەرزترین ئاستی 11 مانگی رابردووی دابەزی و بە رەنگی سوور کۆتایی بە مامەڵەکانی هەفتەی رابردووی هێنا.

نرخی نەوتی خاوی برێنت، لە کۆتا مامەڵەکانی دوێنێ هەینی دا، بە رێژەی 1.23% بۆ 55.41 دۆلار بۆ هەر بەرمیلێک دابەزی، و نرخی بەرمیلێک نەوتی سووکی تێکساسیش بە رێژەی 1.62% بۆ 52.27 دۆلار بۆ هەر بەرمیلێک دابەزی.

هەڵکشانی ژمارەی تووشبووان لە چین و گرتنەبەری رێوشوێنەکان بۆ رووبەڕووبوونەوەی، گوشاری خستووەتە سەر بازاڕی وزە، چونکە چین یەکەم هاوردەکاری نەوتە لە جیهان.