كۆستاریكا باشترین یاسای خانەنشینی ھەیە

K24 – هه‌ولێر:

بەگوێرەی پلەبەندییەكی گۆڤاری  "ئینتەرناشناڵ لیفینگ" كە سەبارەت بە لیستی باشترین وڵاتانی جیھان بۆ خانەنشین ئەنجامیداوە، دەركەتووە كۆستاریكا بە باشترین وڵاتە بۆ ئەوەی تێیدا خانەنشین بیت.

پلەبەندییەكە 25  وڵات لەخۆدەگرێت و لەسەر بنەمای چەند فاكتەرێك ئەنجامدراوە، كە بۆ دەستنیشانكردنی باشترین وڵات بۆ بوون بە خانەنشین تێدا پشتی پێ بەستراوە و بەگوێرەی ئەو داتا و ئامارانە ئەنجامدراوە كە لەلایەن رۆژنامەوانانەوە بۆیان نێردراوە، ئەوانەش: تێچووی گوزەران، نیشتەجێبوون، چاودێری تەندروستی، تایبەتمەندییەكانی خانەنشینی ، خۆشگوزەرانی، گۆڕانكارییەكانی ژینگە و ھەروەھا شێوازی دەسەڵات.

كۆستاریكاش بەو پێیەی كە بەرزترین خاڵەكانی بەركەوت لەو فاكتەرانە، وەك باشترین وڵات بۆ خانەنشینبوون دەستنیشانكرا، بەجۆرێك دوو ھاوسەر دەتوانن بە 2  ھەزار دۆلاری مانگانە بە باشترین شێوە ژیان بگوزەرێنن.