لیژنەی یاسایی: تانەدان لە یاسای بودجە كاریگه‌ری له‌سه‌ر به‌های دینار بەرامبەر دۆلار نابێت
"دەتوانرێت لەلایەن دادگای فیدراڵییەوە تانە لە بەشێك لە بڕگەکانی یاسای بودجە بدرێت، به‌ڵام كاری بودجه راناگرێت"
K24 - هه‌ولێر:
لیژنەی یاسایی لە ئەنجومەنی نوێنەرانی عێراق ئاشكرایكرد، تانەدان لە یاسای بودجەی (2021)ی عێراق كاریگه‌ری له‌سه‌ربه‌های دینار بەرامبەر دۆلاری ئه‌مه‌ریكی نابێت و کاری بودجەکەش راناگرێت.
سەلیم هەمزە، ئەندامی لیژنەکە رایگەیاند، دەتوانرێت لەلایەن دادگای فیدراڵییەوە تانە لە بەشێك لە بابەت و بڕگەکانی یاسای بودجە بدرێت، بەڵام ئەو تانەلێدانە رێگری لە جێبەجێکردنی یاساکە ناکات، بەڵکو هەندێك بڕگەی ناو یاساکە رادەگرێت تاوەکو دۆسیەکە یەکلا دەبێتەوە.
روونیشكرده‌وه، بەهای ئاڵوگۆڕی دۆلار بەرامبەر دینار جێگیر کراوە و ناتوانرێت تانەی لێ بدرێت، ئاماژه‌ی به‌وه‌ش كرد، ئەو بڕگەیە زیادکراوێکی یاسایی نییە، بەڵکو بڕیارێکە لە لایەن حکومەت و بانکی ناوەندییەوە دراون، کە لایەنی جێبەجێکارن و هیچ پێشێلکارییەکی دەستووری و یاساییش نییە.
د.ی
