نەتەوە یەكگرتووەكان ھێرشەكانی سەر ھەرێمی كوردستان سەركۆنە دەكات

K24 – ھەولێر

نوێنەری نەتەوە یەكگرتووەكان لە عێراق ھێرشەكانی شەوی رابردووی سەر ھەرێمی كوردستان سەركۆنە دەكات و رایگەیاند، ئەو رووداوانە نموونەی ھەوڵێكی دیكەی مەترسیدارە بۆ دروستكردنی گرژیی و ھەڕەشەكردن لە سەقامگیری.

جینین هێنیس پلاسخارت، نوێنەری نەتەوە یەكگرتووەكان لە عێراق لە توییتێكدا نووسیویەتی: "ئەو رووداوانەی دوێنی شەو لە ھەرێمی كوردستان روویاندا نموونەی ھەوڵێكی دیكەی مەترسیدارە بۆ دروستكردنی گرژیی و ھەڕەشەكردن لە سەقامگیری عێراق".

راشیگەیاند: "ئەم جۆرە ھەوڵانە بە ھەموو شێوەیەك شەرمەزار دەكەین و داواش لە حكومەتی ھەرێمی كوردستان و حكومەتی عێراق دەكەین ھەوڵەكانیان یەكبخەن، بەشێوەیەكی خێرا، بۆ رێگریكردن لە دووبارەبوونەوەی ئەم جۆرە ھێرشانە".

Last night’s events in the Kurdistan Region are another example of reckless attempts to inflame tensions and threaten Iraq’s stability. We condemn these acts of violence and urge the Federal and Kurdistan governments to act swiftly and in unison to prevent further escalation.

— Jeanine Hennis (@JeanineHennis) April 15, 2021