ده‌ره‌نجامی لێكۆڵینه‌وه‌كانی دوایین گه‌ڕی خولی پله‌یه‌كی كوردستان راگه‌یاندرا
فیدراسیۆنی تۆپی پێی كوردستان ده‌ره‌نجامی لێكۆڵینه‌وه‌كانی له دوایین گه‌ڕی خولی پله‌یه‌كی كوردستان بڵاوكرده‌وه كه تێیدا سه‌رۆكی یانه‌ی وه‌رزشی شه‌قڵاوه و راهێنه‌ر و یاریزانێكی یانه‌ی كۆیه‌ش سزا دران.
ئه‌مڕۆ چوارشه‌ممه، 6 ئاداری 2021 فیدراسیۆنی تۆپی پێی كوردستان راگه‌یاندراوێكی له باره‌ی رووداوه‌كانی دوایین گه‌ڕی خولی پله‌یه‌كی كوردستان بڵاوكرده‌وه، ئه‌مه‌ی خواره‌وه‌ش ده‌قی بڕیار و سزایه‌كانی فیدراسیۆنی تۆپی پێی كوردستان له باره‌ی یارییه‌كانی دوایین گه‌ڕی چوارگۆشه‌ی زێرینی خولی پله‌یه‌كی كوردستان كه له نێوان (سه‌یدسادق و شه‌قڵاوه) و (كۆیه و ئاڵتون كۆپری) به‌ڕێوه‌چوون.
١ - دوای تاوتوێکردنی ڕاپۆرتی لێژنەی لێکۆڵینەوەی تایبەت بە ھەردوو یاری قۆناغی کۆتایی چوارگۆشەی زێڕینی خولی پلە (یەک) بڕیاردرا:
أ- ئاراستەکردنی نووسراوێک بۆ بەڕێوەبەرایەتی گشتی وەرزش لە وەزارەتی ڕۆشنبیری و لاوان، بۆ بانگھێشتکردنی سەرۆکی یانەکانی (سەیدسادق، شەقڵاوە، ئاڵتون کۆپری و کۆیە) سەبارەت بە ڕووداوەکانی ھەردوو یاری قۆناغی کۆتایی چوارگۆشەی زێڕینی خولی پلە (یەک) .
ب- ھەڵپەساردنی ئەرکی سەرپەرشتیارانی یانەکانی چوارگۆشەی زێڕینی خولی پلە ( یەک ) تا کاتێکی نادیار .
ج -
١- سزادانی سەرۆکی یانەی وەرزشی شەقڵاوە بە بڕی ( 1،000000 ) یەک ملیۆن دینار ، بەھۆی ئەم ھەڵسوکەوتەی لە دوای یاری نێوان ( سەیدسادق و شەقڵاوە ) ئەنجامیدا .
٢- ئاراستەکردنی داوای لێبووردن بۆ دانیشتووانی شاری کۆیە و جەماوەری یانەی کۆیە ، بەفەرمی و لە پەیجی تایبەتی خۆی لە تۆڕە کۆمەڵایەتیەکان .
ء - ڕاگرتنی یاریزان ( ڕەوا عەبدولڕەزاق ) یاریزانی یانەی وەرزشی کۆیە ، تاوەکو کۆتایی وەرزی 2022 .
ھ - ڕاگرتنی (ڕووداو جەمال) ڕاھێنەری یانەی کۆیە ، بۆماوەی یەک ساڵ و ھەروەھا سزای دارایی بە بڕی (2،000000) دوو ملیۆن دینار .
و - بانگھێشتی (ڕەمزی ساڵح) ڕاھێنەری یانەی سەیدسادق دەکەین بۆ کۆبونەوەی داھاتووی یەکێتی تۆپی پێی کوردستان، کە بۆ جاری دووەمە بانگھێشت دەکرێت، لە ئەگەری ئامادەنەبوونی توندترین سزا دەدرێت .
ز - سەبارەت بە دوا قۆناغی خولی پلە (یەک) لێکۆڵینەوەکان بەردەوامە .
٢ - بانگھێشتی نوێنەری یانە بەشداربووەکان لە خولی نایاب بۆ ئاستی لاوان دەکەین لە ڕۆژی شەممە بەرواری 2021/5/8 کاتژمێر 2:00ـی دوای نیوەڕۆ لە بارەگای یەکێتی تۆپی پێی کوردستان ئامادەبن، بە مەبەستی ئەنجامدانی تیروپشک بۆیان .
٣ - بانگھێشتی نوێنەری یانە بەشداربووەکان لە جامی ھەرێمی کوردستان بۆ ئاستی لاوان دەکەین لە ڕۆژی شەممە بەرواری 2021/5/8 کاتژمێر 2:00 ی دوای نیوەڕۆ لە بارەگای یەکێتی تۆپی پێی کوردستان ئامادەبن ، بە مەبەستی ئەنجامدانی تیروپشک بۆیان .
٤ - ڕاسپاردنی بەڕێزان (عەدنان عەبدولڕەحمان و نەوزاد ساڵح) ئەندامانی یەکێتی تۆپی پێی کوردستان بۆ پشکنینی یاریگاکانی شاری کەرکوک سەبارەت بە شیاوی بۆ یاریکردن .
٥ - ئەرکی پاراستن و پاسەوانی تیپی میوان لە ئەستۆی تیپی میواندارە .