ئاژانسی نێودەوڵەتی وزە پەیمان بۆ سەقامگیری بازاڕ دەدات
پارێزگاری لە سەقامگیری و ئاسایشی وزەی جیهانی دەکەن
K24 - هەولێر
ئاژانسی نێودەوڵەتی وزە رایگەیاند، رۆژی هەینی ئەندامانی ئاژانسەکە کۆبوونەتەوە و تاوتوێی هێرشی رووسیا بۆ سەر ئۆکرانیایان کردووە. ئاژانسەکە روونیکردووەتەوە کە پەیمانیان داوە پارێزگاری لە سەقامگیری و ئاسایشی وزەی جیهانی بکەن.
فاتح بیرۆڵ، بەڕێوەبەری جێبەجێکاری ئاژانسی نێودەوڵەتی وزە ئاشکرای دەکات، لە کۆبوونەوەکەیان تاوتوێی لێکەوتەکانی شەڕی ئۆکرانیا و رووسیایان کردووە، کە چ کاریگەرییەکی لەسەر بازاڕی وزە و هەڵگەڕانەوەی نرخەکان و متمانەی مامەڵەکاران دەبێت.
لەگەڵ ئاڵۆزی زیاتر، ئەندامانی ئەو ئاژانسەی پەیمانیان داوە بەردەوام دەبن لە کارەکانیان و بە گوێرەی پێویست وەڵامی خواستی بازاڕ دەدەنەوە.
