داڵكورد نۆیه‌مین یاریی له‌م وه‌رزه دۆڕاند
داڵکورد تامی نۆیەمین دۆڕانی لەم وەرزەی سوپەرتانی سوید کرد و هه‌ڕه‌شه‌ی دابه‌زینی بۆ خولی پله‌دووی سویدی له‌سه‌ره.
ئێواره‌ی ئه‌مڕۆ شه‌ممه، 16 ته‌مووزی 2022، داڵکورد لە گەڕی چواردەمینی خولی پلەیەکی سوید میوانداریی ئۆرێبرۆی کرد و یارییەکەشی بە دوو گۆڵی بێبەرامبەر دۆڕاند، له‌و یارییه‌دا هاڕوون ئه‌حمه‌د ناوه‌راستكاری كورد به‌هۆی ئازاری ددانی بانگهێشتی یارییه‌كه نه‌كرا.
دوای تەنیا پێنج خولەک کیڤن واڵکێر دەرگای گۆڵەکانی کردەوە و گۆڵی یەکەمی لە دژی داڵکورد تۆمار کرد.
هەر لەم نیوەیە و لە خولەکی 14 داڵکورد گۆڵی دووەمیشی لێکرا و ئەمجارە نۆیل میلێسکۆگ واژۆی لەسەر گۆڵی دووەم کرد.
داڵکورد سێیەم یاریی لەسەریەک و نۆیەمینی لەم وەرزە دۆڕاند و لە کۆی چواردە یاریی تا ئێستا تەنیا سێ بردنەوەی بەدەستهێناوە و بە یازدە خاڵ لە خانەی چواردەمینی ریزبەندییەکە دەبینرێت، لەبەرامبەردا ئۆرێبرۆ دوای چوار یاریی یەکەمین سەرکەوتنی بەدەستهێنا و بە بیست خاڵ خانەی دەیەمی گرتووە.
