کەشوهەوای پێشبینیکراوی سبەی

K24 - هەولێر:

بەشی کەشناسی و بوومەلەرزەزانی هەرێمی کوردستان لە وەزارەتی گواستنەوە و گەیاندن پێشبینی دەکات، سبەی لە ناوچە شاخاوییە سنوورییەکانی باکووری رۆژهەڵات ئەگەری بارینی بەفرێکی کەم هەیە.

بە گوێرەی پێشبینی بەشی کەشناسی و بوومەلەرزەزانی هەرێمی کوردستان، سبەی شەممە (14ـی کانوونی دووەمی 2023) ئاسمان هەوری تەواو دەبێت، لەگەڵ بارینی نمە باران لە هەندێک ناوچە بەتایبەتی لە ناوجەکانی هەڵبجە و سلێمانی و گەرمیان.

ئاماژە بەوەشدرا، لە ناوچە شاخاوییە سنوورییەکانی باکووری رۆژهەڵات ئەگەری بارینی بەفرێکی کەم و هاتنی کڕێوە هەیە.

 بەرزترین پلەکانی گەرمای پێشبینیکراو:

هەولێر: 12 پلەی سیلیزی

سلێمانی: 9 پلەی سیلیزی

دهۆک:12 پلەی سیلیزی

کەرکووک: 14 پلەی سیلیزی

هەڵەبجە: 9 پلەی سیلیزی

زاخۆ: 12 پلەی سیلیزی

سۆران: 8 پلەی سیلیزی

گەرمیان: 15 پلەی سیلیزی