چوارچێوهی ههماههنگی: ناوهڕاستی مانگی داهاتوو پڕۆژهیاسای بودجه پهسهند دهكرێت
K24 - هەولێر:
چوارچێوهی ههماههنگی رایدهگهیهنێت، هیچ ناكۆكییهكی سیاسی لهبارهی پڕۆژهیاسای بودجهی فیدراڵ له ئارادانییه و لهناوهڕاستی مانگی داهاتوودا پڕۆژهكه پهسهند دهكرێت.
عارف حومامی، ئهندامی چوارچێوهی ههماههنگی ئاشكرای دهكات، هیچ جۆره ناكۆكییهكی سیاسی لهنێوان هێز و لایهنهكان لهبارهی پڕۆژهیاسای بودجه له ئارادا نییه و ئهو تێبینیانهی ههیه، لیژنهكانی پهرلهمان لهگهڵ لایهنی جێبهجێكاری حكومهت چارهسهری دهكهن.
حومامی ئاماژهی بهوهكردووه، بهوپێی كۆدهنگییهكی پهرلهمانی ههیه، بهمنزیكانه و لهناوهڕاستی مانگی داهاتوودا پڕۆژهیاسای بودجه پهسهند دهكرێت.
رۆژی 13/3/2023، ئەنجوومەنی وەزیرانی عێراق رهشنووسی پڕۆژهیاسای بودجهی گشتی پهسهندكرد، زیاتر لە 198 ترلیۆن دینارە و ئاماژە بەوەشکراوە، وەک بەشێک لە رێککەوتنی نێوان هەولێر و بەغدا، حکومەتی هەرێمی کوردستان رۆژانە دەبێت 400 هەزار بەرمیل نەوت بفرۆشێت.
پێشتریش گوتەبێژی حکومەتی هەرێمی کوردستان رایگەیاندبوو، بەرەوپێشچوون و لێکتێگەیشتنی باش لەنێوان هەولێر و بەغدا هەیە و رایگەیاند، لە میانەی سەردانەکەیدا بۆ هەولێر، مەسرور بارزانی و محەممەد شیاع سوودانی لە کەشێکی ئەرێنی رێککەوتوون لەسەر بەردەوامی کاری بەیەکەوەیی و چارەسەرکردنی کێشەکان لەسەر بنەمای دەستوور و کارنامەی پەسەندکراوی کابینەکەی سوودانی.