ساڵیادێکی بێدەنگ بۆ جەلال بەیار کرایەوە

K24 – هەولێر:

دوای تێپەڕبوونی یانزە ساڵ بەسەر مەرگی هونەرمەندی شانۆکار و سینەماکار "جەلال بەیار"، هونەرمەندان و ئەدیبان بەبێدەنگی یادی ئەو هونەرمەندەیان بە دێڕێکی شیعری و یادگارییەکانیان کردەوە، هەروەها خانەوادەی هونەرمەندیش بە چەپکێک گوڵی وەفا یادی "جەلال بەیار"ـیان بەرز راگرت.

وڵات جەلال بەیار، کوڕی هونەرمەندی کۆچکردوو جەلال بەیار، بۆ کوردستان24 گوتی: "ئەمساڵ هیچ رێوڕەسمێک بەبۆنەی یادەکە بەڕێوەنەچوو، وەک ئەوەی لە ساڵانی پێشوودا چەند چالاکییەک ئەنجامدەدرا".

گوتیشی: "ئەمساڵ تەنیا چەپکە گوڵی وەفای خۆمان وەک بنەماڵەی هونەرمەندی کۆچکردوو، لەگەڵ چەند دێڕە شیعر و دیکۆمێنتەرییەک، کە لەلایەن بەڕێوەبەرایەتی شانۆی هەولێر ئامادەکرابوو لە تۆڕە کۆمەڵایەتیەکاندا بڵاوکرایەوە و بەشێک لە هاوڕێیانیشی بە چەند وشەیەک لە دیواری فەیسبوک یادیان کردەوە".

شانۆکار "جەلال ئه‌حمه‌د رسول" ناسراو به "جەلال به‌يار" شانۆكارێكی خاوه‌ن ئه‌زموون و شانۆ و درامای کوردییە لە هه‌ولێرى پایتەخت، لە ساڵى1947 لەدایکبووە لە رێکەوتی 27ـی حوزەیرانـی 2012 کۆچی دوایی کردووە، ده‌سپێكى كارى هونه‌رى ساڵی 1974 بووە و به‌رهه‌مه‌كانى بریتین لە:

1- شانۆگه‌رى چڵپاو - نواندن.

2- شانۆگه‌رى ماره‌يى - نواندن.

3- شانۆگه‌رى هه‌بوو نه‌بوو - نواندن.

4- شانۆگه‌رى مه‌سه‌له‌ى شارێك - نواندن.

5- شانۆگه‌رى  محمدو سێوى - نواندن.

6- شانۆگه‌رى به‌زۆركراوه‌ به‌ دكتۆر - نواندن.

7- شانۆگه‌رى قه‌ڵاى دمدم - نواندن.

8- شانۆگه‌رى مۆرانه‌ - نواندن.

9- شانۆگه‌رى كاوه‌ى ئاسنگه‌ر - نواندن.

10 - شانۆگه‌رى په‌شيمانى - نواندن.

11- شانۆگه‌رى خه‌ج وسيامه‌ند - نواندن.

12- شانۆگه‌رى گوڵى نهێنى - نواندن.

13- شانۆگه‌رى راشۆمۆن - نواندن.

14- شانۆگه‌رى وه‌لى دێوانه‌ - نواندن.

15 - زنجيره‌ دراماى گه‌رده‌لول - نواندن.

16- شانۆگه‌رى مه‌م وزين - نواندن.

18- شانۆگه‌رى ئادابا - نواندن.

19- شانۆگه‌رى مرۆڤ و ئازاره‌كانى - نواندن.

20-  شانۆگه‌رى مێوان - نواندن.

21- زنجيره‌ دراماى نه‌ورۆزيكى تر - نووسين و ده‌رهێنان.

22- دراماى تاپۆ حه‌قى چيه‌ - نواندن.