ئەمەریکا و هۆڵەندا پێشوازی لە دیاریکردنی کاتی هەڵبژاردنی پەرلەمانی کوردستان دەکەن
K24 - هەولێر:
باڵیۆزی ئەمەریکا لە عێراق و کونسوڵخانەی گشتیی هۆڵەندا لە هەولێر هەریەک بەجیا رایانگەیاند، پشتیوانی لە دیاریکردنی کاتی ئەنجامدانی هەڵبژاردنی پەرلەمانی کوردستان دەکەن.
ئەلینا رۆمانۆوسکی، باڵیۆزی ئەمەریکا لە عێراق لە تویتێکدا رایگەیاند: پێشوازی لە راگەیەندراوەکەی نێچیرڤان بارزانی سەرۆکی هەرێمی کوردستان بۆ ئەنجامدانی هەڵبژاردن لە 25 ی شووباتی ساڵی 2024 دەکەین".
گوتیشی: هەڵبژاردنێکی ئازاد و دادپەروەرانە لەکاتی گونجاودا بناغەیە بۆ دیموکراسیەکی تەندروست.
.@USEmbBaghdad& @USCGErbil welcome @IKRPresident Nechirvan Barzani’s announcement that IKP elections will be held February 25, 2024. Free, fair, and timely elections are essential for any healthy democracy.
— Ambassador Alina L. Romanowski (@USAmbIraq) August 4, 2023
کونسوڵسی گشتیی هۆڵەندا لە هەولێر بڕیاری سەرۆکایەتی هەرێم بۆ دیاریکردنی کاتی هەڵبژاردنی پەرلەمانی کوردستان بە بڕیارێکی گرنگ لە قەڵەم دەدات و رایگەیاند، پشتگیری تەواوی هەڵبژاردنێکی ئازاد و دادپەروەرانە و گشتگیر دەکەن بۆ ئەوەی هاووڵاتییانی هەرێمی کوردستان بتوانن مافی دەنگدانیان هەبێت.
دوێنێ پێنجشەممە (3ـی ئابی 2023) دڵشاد شەهاب، گوتەبێژی سەرۆکایەتی هەرێمی کوردستان رایگەیاند، سەرۆکی هەرێمی کوردستان لە مەرسوومێکدا رۆژی (25ـی شوباتی 2024) وەک رۆژی ئەنجامدانی هەڵبژاردنی پەرلەمانی کوردستان دیاریکردووە و سەرجەم لایەنەکانی راسپاردووە بۆ ئەنجامدانی رێکارە پێویستەکان.
An important announcement by @IKRPresident to hold Parliamentary elections in the Kurdistan Regio of Iraq on February 25 next year. We are in full support of free, fair and inclusive elections to enable all people of the KRI to exercise their right to vote.
— Netherlands in Kurdistan Region (@nlinkri) August 4, 2023