سهرۆكی ههرێم و باڵيۆزى بهريتانيا پرسی ههڵبژاردنی پهرلهمانی كوردستانیان تاووتوێكرد
K24 – هەولێر:
سهرۆكایهتی ههرێمی كوردستان رایدهگهیهنێت، سهرۆكى ههرێمى كوردستان، پێشوازى له باڵيۆزى نوێى بهريتانيا له عێراق كرد و له دیدارێكدا پهيوهندييهكانى نێوان ههولێر ـ بهغدا، دۆخى ناوخۆى ههرێمى كوردستان و ههڵبژاردنی داهاتووى پهرلهمانى كوردستان تاووتوێكران.
سهرۆكایهتی ههرێمی كوردستان ئهمڕۆ (سێشهممه 8ـی ئابی 2023) راگهیهندراوێكی بڵاوكردهوه، تێیدا هاتووه: نێچيرڤان بارزانى سهرۆكى ههرێمى كوردستان، پێشوازى له ستيڤن چارڵس هيچن، باڵيۆزى نوێى بهريتانيا له عێراق كرد.
له ديدارێكدا نێچيرڤان بارزانى وێڕاى پيرۆزبايى بۆ دهستبهكاربوون، هيواى سهركهوتنى بۆ باڵيۆزى نوێى بهريتانيا خواست و ههموو پشتگيرييهكى بۆ سهرخستنى ئهركهكهى له عێراق و ههرێمى كوردستان نيشان دا.
ههردوولا پهيوهندييهكانى ههولێر ـ بهغدا و دۆخى ناوخۆى ههرێمى كوردستان و ههڵبژاردنی داهاتووى پهرلهمانى كوردستان، دهرفهت و ئاڵنگارييهكانى بهردهم عێراق له بوارى ئاسايش و ئابوورى و دامهزراوهكاندا تاووتوێكرد و جهختيان له گرنگيى قۆستنهوهى دهرفهتهكان بۆ بهرژهوهنديى وڵات كردهوه.
دۆخى ناوچهكه بهگشتى و چهند پرسێكى جێى بايهخى هاوبهش، تهوهرێكى ديكهى ديدارهكه بوو كه تيايدا خاتوو ڕۆزى كهيڤ كونسولى گشتيى بهريتانيا له ههرێمى كوردستان ئامادهى بوو. (ههروهك سهرۆكایهتی ههرێمی كوردستان ئاماژهی پێكردووه).
رۆژی (3ـی ئابی 2023) سەرۆکی هەرێمی کوردستان لە مەرسومێکدا، رۆژی (25ـی شوباتی 2024) دیاریکرد، بۆ بەڕێوەچوونی هەڵبژاردنی پەرلەمانی کوردستان، کە کۆمیسیۆنی باڵای هەڵبژاردنەکانی عێراق سەرپەرشتی دەکات.
لە دوای مەرسومەکەی سەرۆکایەتی هەرێمی کوردستانیش کە راستەوخۆ ئاراستەی کۆمیسیۆنی باڵای سەربەخۆی هەڵبژاردنەکانی عێراق دەکرێت، بڕیار لەسەر ئەنجامدانی دەستپێکردنی رێکكارەکانی سەرپەرشتیکردن و بەڕێوەچوونی هەڵبژاردنی پەرلەمانی کوردستان دەکرێت بە هەماهەنگی لە حکومەتی هەرێمی کوردستان.
وەک یەکەم لایەنی سیاسیش، پارتی دیموکراتی کوردستان ئامادەیی خۆی بۆ ئەنجامدانی هەڵبژاردنی پەرلەمانی کوردستان نیشاندا و بەرپرسی راگەیاندنی بەشی هەڵبژاردنی پارتیش ئاشکرایکرد، پارتی بۆ هەڵبژاردنی پەرلەمانی کوردستان 100 کاندیدی دەبێت و 30%ی ئەو ژمارەیەش ئافرەت دەبن.
هاوکات هەریەکە لە نوێنەرایەتی دیپلۆماسی ئەمەریکا، بەریتانیا، ئەڵمانیا، ئیتاڵیا، فەرەنسا، هۆڵەندا، یەکێتی ئەوروپا لە هەرێمی کوردستان و عێراق پێشوازییان لە دیاریکردنی رۆژی ئەنجامدانی هەڵبژاردنی پەرلەمانی کوردستان کرد.
هەڵبژاردنی خولی شەشەمی پەرلەمانی کوردستان بەگوێرەی یاسای هەڵبژاردنی پەرلەمانی کوردستان ئەنجامدەدرێت کە لە ساڵی 2013 هەموارکراوەتەوە و پەرلەمانی کوردستان لە سەد کورسی گشتی و 11 کورسی کۆتا بۆ پێکهاتەکانی تورکمان و کریستیانەکان پێکهاتووە.
شێوازی هەڵبژاردن بەپێی ئەو یاسایە بە دەنگدانی نهێنی راستەوخۆ بەپێی سیستمی لیستی کراوەی سنووردار ئەنجام دەدرێت و هەر لیستێکی هەڵبژاردنیش نابێت رێژەی ئافرەتان لە کاندیدەکان لە 30% کەمتربێت و تەمەنی رێگەپێدراویش بۆ خۆکاندیدکردن بۆ پەرلەمانی کوردستان 25 ساڵە.
