58 ملیار دیناری دیکەی شایستە داراییەکانی جووتیاران گەیشت
K24 – هەولێر
58 ملیار دیناری دیکەی شایستە داراییەکانی جووتیاران خرایە سەر هەژماری وەزارەتی بازرگانی و پیشەسازی حکومەتی هەرێمی کوردستان.
نەوزار شێخ کامیل، بەڕێوەبەری گشتی بازرگانی رایگەیاند، بڕی 58 ملیار دیناری دیکەی شایستەی دارایی جووتیاران خرایە سەر هەژماری وەزارەتی بازرگانی و پیشەسازی، کە بریتیە لە شایستەی دارایی جووتیاران بۆ ساڵی 2023".
روونیکردووەتەوە، بڕی پارەکە بۆ جووتیارانی پارێزگاکانی هەرێمی کوردستان بەمشێوەیە:
سلێمانی/ 27 ملیار دینار
هەولێر/ 18 ملیار دینار
دهۆک/ 13 ملیاردینار
بەڕێوەبەری گشتی بازرگانی ئاماژەی بەوەشکردووە، پاش تەواو بوونی رێکارە کاگێڕی و داراییەکان دەست بە دابەشکردنی پارەکە دەکرێت، بەپێی رۆژی رادەستکردنی گەنمەکەیان بە سایلۆکان.