بە وێنە؛ ئامادەبوونی مەسرور بارزانی لە رێوەڕەسمی خەڵاتکردنی قوتابییە یەکەمەکانی کوردستان

K24 - هەولێر

دوانیوەڕۆی ئەمڕۆ چوارشەممە 16ـی ئابی 2023، مەسرور بارزانی، سەرۆکی حکومەتی هەرێمی کوردستان لە ڕێورەسمێکدا و بە ئامادەبوونی ئالان حەمە سەعید، وەزیری پەروەردەی هەرێمی کوردستان و ژمارەیەکی دیکە لە وەزیر و بەرپرسانی حکومەت، خەڵاتی رێزلێنانی بەخشییە قوتابییە یەکەمەکانی پۆلی 12ـی ئامادەیی بۆ ساڵی خوێندنی 2022-2023 لە کوردستان. لە رێوڕەسمەکەدا قوتابییە یەکەمەکانی شاری کەرکووکیش بەشداربوون. وەزیری پەروەردە رایگەیاند، سەرۆکوەزیرانی فەرمانی کردبوو، قوتابیە یەکەمەکانی کەرکووکیش خەڵاتبکرێن، بۆیە رێوەڕەسمەکە تا ئەمڕۆ دواکەوتووە. 

سەرۆکوەزیرانی هەرێمی کوردستان لەمیانی رێورەسمی خەڵاتکردنی قوتابیە یەکەمەکانی کوردستان گوتارێکی پێشکەشکرد و تێیدا رایگەیاند: "دەستخۆشی و پیرۆزباییتان لێدەکەم کە سەرکەوتووانە ئەم قۆناخەی خوێندنتان تەواو کرد و هەنگاو بەرەو قۆناخی خوێندنی زانکۆیی دەنێن".