"كریستیانۆ رۆناڵدۆ به‌شداریی له پاڵه‌وانێتی زۆرانبازی ئازاد ده‌كات"
ڕاپۆرتە ڕۆژنامەوانییەکان ئاشكرایان كردووه کریستیانۆ ڕۆناڵدۆی هێرشبەری یانه‌ی نه‌سڕی سعوودیه ڕەنگە لە یەکێک لە نمایشەکانی زۆرانبازی WWE لە شانشینی سعودیە به‌شداریی بكات.
كریستیانۆ ڕۆناڵدۆ له گواستنه‌وه‌ی زستانی ڕابردوو له یانه‌ی مانچێسته‌ر یونایتده‌وه به گرێبه‌ستێكی بێبه‌رامبه‌ر تا هاوینی 2025 ڕووی لە یانەی نەسری سعودیە كرد.
شانشینی سعوودیە لەم دواییانەدا گرینگییه‌كی زۆری به یارییه جه‌نگییه‌كان و زۆرانبازی داوه و چه‌ندان پاڵه‌وانێتی بۆ هونه‌ر جه‌نگییه‌كان رێكخستووه، دوایینیان نمایشی "شەوی پاڵەوانەکان" بوو کە لە مانگی ئایاری ساڵی ڕابردوودا لە شاری جددە بەڕێوەچوو.
بەپێی هه‌واڵی ڕۆژنامەی ASئیسپانیا،WWE کە بەم دواییە لەلایەن UFC کڕدرا، کاردەکات بۆ بەرزکردنەوەی وێنەی نمایشە زۆرانبازییەکان، شانشینی سعوودیه هه‌وڵده‌دات كریستیانۆ ڕۆناڵدۆ رازی بكات بۆ ئەوەی به‌شداریی له یه‌كێك له نماییشه‌كانی زۆرانبازی بكات.
به گوێره‌ی هه‌مان سه‌رچاوه WWE كار بۆ ئه‌وه ده‌كات كریستیانۆ رۆناڵدۆ له نماییشی (تاجی گه‌وهه‌ره‌كان) به‌شداریی بكات كه بڕیاره له مانگی 11ـی ئه‌مساڵ له سعوودیه به‌ڕێوه‌بچێت.
"گەوهەری تاج" یه‌كێكه دیارترین نماییشه‌كانی ساڵانه‌ی زۆرانبازی ئازاد، له‌وه‌ته‌ی ساڵی 2018ـه‌وه له سعوودیه ڕێکدەخرێت.