مەسرور بارزانی: له‌گه‌ڵ هادى عامری هاوڕا بووین لەسەر مافی مووچەخۆرانی هەرێمی کوردستان
K24 – هەولێر:
سەرۆکوەزیرانی هەرێمی کوردستان ڕایگەیاند، لەگەڵ هادی عامری جەختمان لە دابینکردنی شايسته دارايييه‌كان و مووچه‌ى مووچه‌خۆرانى هه‌رێمى كوردستان و ژيان و گوزه‌رانى هاووڵاتييان کردەوە.
ئەمڕۆ پێنجشەممە (30ـی ئایاری 2024) مەسرور بارزانی، سەرۆکی حکوومەتی هەرێمی کوردستان لە هەژماری خۆی لە تۆڕی کۆمەڵایەتی ئێکس ڕایگەیاند، لە بەغدا له‌گه‌ڵ هادى عامری، ئەمینداری گشتیی ڕێکخراوی بەدر و سەرۆکی هاوپەیمانیی ( نبني- بنیاتنان) هاوڕا بووین لەسەر مافی مووچەخۆرانی هەرێمی کوردستان کە وەک عێراق بتوانن بانکی دڵخوازی خۆیان هەڵبژێرن بۆ وەرگرتنی مووچەکانیان.
هاوکات گوتیشی: جەختمان لە دابینکردنی شايسته دارايييه‌كان و مووچه‌ى مووچه‌خۆرانى هه‌رێمى كوردستان و ژيان و گوزه‌رانى هاووڵاتييان، کردەوە.
It was good to see Hadi Al-Amiri.
— Masrour Barzani (@masrourbarzani) May 30, 2024
On banking, he and I agreed that KRG employees have the right to choose their bank for receiving salaries, in line with the rest of Iraq.
I also urged him to continue supporting the KRG's right to regular payments and a fair budget. pic.twitter.com/CddbcSIl9Z
ئەمڕۆ پێنجشەممە، (30ـی ئایاری 2024) مەسرور بارزانی، سەرۆکی حکوومەتی هەرێمی کوردستان لە هەژماری خۆی لە تۆڕی کۆمەڵایەتیی ئێکس لەبارەی سەردانەکەی بۆ بەغدا ڕایگەیاند، "ئەمڕۆ لە بەغدام بۆ جەختکردنەوە لەسەر دابینکردنی مافەکانی خەڵکی کوردستان و چارەسەرکردنی ناکۆکییەکان بە گفتوگۆ و لەسەر بنەمای دەستوور".
سەرۆکی حکوومەتی هەرێمی کوردستان لە بەشێکی دیکەی پۆستەکەیدا جەختی لەوە کردووە: "دەبێت سەقامگیریی و ئابوورییەکی بەهێز کاری لەپێشینەمان بێت".