واشنتن: جووڵه‌ى توركيا يه‌كخستنى هه‌وڵه‌كانى دژى داعش ئاڵۆز كرد
ئه‌مريكا له‌گه‌ڵ يه‌كينه‌كان و توركيا له په‌يوه‌نديدايه له پێناو كۆتايهێنان به‌و ململانێيه‌ى له باشوورى جه‌رابلووس هاتووه‌ته ئاراوه.
K24 – هه‌ولێر:
جێگرى راوێژكارى ئاسايشى نه‌ته‌وه‌يى ئه‌مريكا، بن رۆدس، رايگه‌ياند، يه‌كينه‌كانى كورد ده‌كشێنه‌وه به‌ره‌و رۆژهه‌ڵاتى رووبارى فورات و ئه‌مريكا له‌گه‌ڵ يه‌كينه‌كان و توركيا له په‌يوه‌نديدايه له پێناو كۆتايهێنان به‌و ململانێيه‌ى له باشوورى جه‌رابلووس هاتووه‌ته ئاراوه.
گوتيشى: پرۆسه‌ى كشانه‌وه‌ى يه‌كينه‌كان يه‌كێك له داواكارييه سه‌ره‌كييه‌كانى ئه‌نقه‌ره بووه.
ئاماژه‌شى بۆ ئه‌وه كرد، هه‌موو هێزى يه‌كينه‌كانى پاراستنى گه‌ل گه‌ڕاونه‌ته‌وه بۆ رۆژهه‌ڵاتى رووبارى فورات.
هه‌روه‌ها گوتى: ره‌نگه هه‌ندێك له كورده‌كان له رۆژئاواى رووبارى فورات مابنه‌وه، به‌ڵام ئه‌وان سه‌ر به يه‌كينه‌كانى پاراستنى گه‌ل نيين.
له لايه‌ن خۆيه‌وه كۆشكى سپى ئه‌مريكا رايگه‌ياند، جووڵه‌ى توركه‌كان به‌ره‌و باشوورى جه‌رابلووس، پرۆسه‌ى يه‌كخستنى به‌ره‌ى دژ به داعشى ئاڵۆز كرد.
