کریستیانۆ لە مەراسیمی تیروپشکی چامپیۆنزلیگ هەمووانی سەرسام کرد
کریستیانۆ رۆناڵدۆ هەفتەی رابردوو لە مۆناکۆ ئامادەی مەراسیمی تیروپشکی چامپیۆنزلیگ بوو، بەهۆی بەرزی بەهای ئەو کەلوپەلە جوانکارییانەی بەکاری هێنابوو، چاودێرانی مەراسیمەکەی سەرسام کرد.
یوێفا بۆ ئەم مەراسیمە بانگهێشتی رۆناڵدۆی کرد بۆ ئەوەی وەکو باشترین گۆڵکاری مێژوویی پاڵەوانیەتییەکە خەڵاتێکی تایبەتی پێبەخشێت، کە کریستیانۆ لەگەڵ مانچێستەر یونایتد و ریاڵ مەدرید و یوڤێنتۆس 140 گۆڵی لە چامپیۆنزلیگ کردووە.
رۆژنامەی "زە سەنی بەریتانی" ئاشکرای کردووە رۆناڵدۆ لە مەراسیمەکەدا بە بەهای 7.88 ملیۆن دۆلار کەلوپەلی جوانکاریی زێڕ و ئەڵماسی بەکارهێناوە.
یاریزانە تەمەن 39 ساڵانەکە لە مەراسیمەکەی یوێفا بەشێوەیەکی سەرنجڕاکێش و زۆر کەشخە دەرکەوت و 3 پارچە زێڕ و ئەڵماسی بەکارهێنا کە بەهای سەرجەمیان دەگاتە نزیکەی هەشت ملیۆن دۆلار.
مێدالیاییەکەی سەر سنگی کریستیانۆ بە بەهاترین پارچەی جوانکاریی بوو کریستیانۆ بەکاریهێنا و بەهاکەی دەگاتە 5 ملیۆن دۆلار، پارچەی دووەمیش بەهاکەی 2.9 ملیۆن دۆلارە کە کاتژمێری "فرانک میلەر"ی ئەمریکیە و لە 150 چین ریشاڵی پاڵەپەستۆکراو و زێڕی عەیار 18 دروست کراوە.
پارچەی سێیەمیش گوارەیەکە لە جۆری "میسکا دی مۆف بیف" کە لە زێڕی عەیار 18 یە و بەهاکەی 8500 دۆلارە.
Honored to receive this award from @ChampionsLeague for being the all-time top scorer of the competition. Grateful for all the support along the way! Thank you! pic.twitter.com/2FqexL3cIr
— Cristiano Ronaldo (@Cristiano) August 29, 2024