ئارجێنتینا بووەتە بەڵا بۆ هەڵبژاردەکانی جیهان

ئارجێنتینا سەرکەوتنێکی دیکەی لە پاڵاوتنەکانی مۆندیالی 2026 بەدەستهێنا و بەبێ ئامادەبوونی لیۆنێل مێسی بە سێ گۆڵی خاوێن لە هەڵبژاردەی چیلی بردەوە.

ئارجێنتینا لەژێر سەرکردایەتی لیۆنێل سکالۆنی راهێنەری زیاتر لە 5 ساڵە جڵەوی گرتووەتە دەست و بووەتە بەڵا بۆ هەڵبژاردەکانی جیهان، ژمارە و ئامارەکانیش بەڵگەن لەسەر سەردەمی زێڕینی ئارجێنتینا.

ئامارەکانی هەڵبژاردەی ئارجێنتینا لە ساڵی 2019 تا ئێستا بەمشێوەیە:

64 یاری
4 نازناو
تەنیا 2 دۆڕان

ئارجێنتینا لەژێر سەرکردایەتی لیۆنێل سکالۆنی:

ساڵی 2020 = بەبێ دۆڕان
ساڵی 2021 = بەبێ دۆڕان
ساڵی 2022= تەنیا دۆڕانێک بەرامبەر سعوودیە لە مۆندیال
ساڵی 2023= تەنیا دۆڕانێک بەرامبەر ئۆرۆگوای
ساڵی 2024 = تا ئێستا هیچ دۆڕانێکی نییە

ئارجێنتینا نزیکترینە بۆ گەیشتن بە مۆندیالی 2026 و ئێستا لە پاڵاوتنەکانی ئەمریکای باشوور بۆ گەیشتن بە مۆندیال بە کۆکردنەوەی 18 خاڵ لە پێشەنگ دەبینرێت و بە جیاوازی 5 خاڵ لە پێش ئۆرۆگوای دووەمە.