ریاڵ مەدرید گرێبەستی پاڵەوانی شەوەکەی مانچێستەری نوێکردەوە
ریاڵ مەدرید لە بەیاننامەیەکدا بەفەرمی نوێکردنەوەی گرێبەستی ئاندرێ لۆنینی گۆڵپارێزی لاوی ئۆکرانی بۆ ماوەی 5 ساڵ راگەیاند.
مێرەنگی ئاماژەی بەوە کردووە گەیشتنە رێککەوتن لەگەڵ لۆنین بە نوێکردنەوەی گرێبەستەکەی نێوانیان تاکو هاوینی ساڵی 2030، ئەم هەنگاوەش دوای ئەوە دێت گۆڵپارێزە ئۆکرانیەکە بەنیاز بوو لەم هاوینە ریزەکانی شاهانەکان جێبهێڵێت.
لۆنین لە ساڵی 2018 پەیوەندی بە ریاڵ مەدریدەوە کرد ئەوکاتەی تەمەنی 19 ساڵان بوو، لە ساڵی 2020ەوە بەشێکە لە تیپی یەکەمی ریاڵ مەدرید و لەو ماوەیەدا توانیویەتی 10 نازناو لەگەڵ شاهانەکان بباتەوە.
لۆنین گۆڵپارێزی هەڵبژاردەی ئۆکرانیایە و لەگەڵ هەڵبژاردەکەی بەشداری لە یۆرۆی 2024ی ئەڵمانیا کرد، لە وەرزی رابردووش بەربژێر بوو بۆ بردنەوەی خەڵاتی یاشین بۆ باشترین گۆڵپارێز، هەروەها رۆڵێکی گەورەی هەبوو لە بردنەوەی نازناوەکانی چامپیۆنزلیگ و لالیگا و جامی سوپەری ئیسپانیا لەگەڵ ریاڵ مەدرید.
🤩 #Lunin2030 🤩 pic.twitter.com/gRcPPvcN0M
— Real Madrid C.F. (@realmadrid) September 13, 2024