مێسی ریکۆردێکی خۆی دەشکێنێت
ئینتەر مەیامی بەسەرکردایەتی لیۆنێل مێسی ڕووبەڕووی کۆڵۆمبۆس بووەوە, یارییەکەشی بە ئەنجامی (3-2) بردەوە و بۆ یەکەمجار لە مێژوودا، ئینتەر مەیامی نازناوی قەڵغانی هاندەرانی بەدەستهێنا.
لیۆنێل مێسی بەم سەرکەوتنە کۆمەڵێک ریکۆردی نوێی تۆمار کرد، ئەم یاریزانە ئارجێنتینییە یەکەمین یاریزانە لە مێژووی تۆپی پێ 46 نازناو بباتەوە و ریکۆردی خۆی شکاندەوە.
بردنەوەی زۆرترین نازناو لەوکاتەوەی مێسی دەرکەوتووە:
- مێسی 46 نازناو
- بایرن میونشن 44 نازناو
- بارسێلۆنا 37 نازناو
- پاریس سانجێرمان 36 نازناو
- ریاڵ مەدرید 32 نازناو
- مانچێستەر سیتی 24 نازناو
- ئینتەر میلان 22 نازناو
هەر لەم یارییەدا لیۆنێل مێسی بە لێدانی راستەوخۆ گۆڵی بۆ ئینتەر مەیامی کرد و پێش دەیڤد بێکهامی سەرۆکی یانەکەی کەوتەوە، مێسی 66 گۆڵی بە لێدانی راستەوخۆ کردووە و بە گۆڵێک پێش بێکهام دەبینرێت.
MESSIIIIIIIIII!!!
— Major League Soccer (@MLS) October 3, 2024
Messi magic again to get his brace. 🪄 pic.twitter.com/tqT4Md1ydO
هاوکات، مێسی دەبێتە یەکەمین یاریزان لە مێژووی تۆپی پێ رۆڵی لە تۆمارکردنی 1217 گۆڵ هەبێت (گۆڵ و ئەسیست).
بەر لە چوونی مێسی بۆ ئینتەر مەیامی، ئەم یانە ئەمریکییە هیچ نازناوێکی نەبوو، بەڵام ئێستا ئەم یانەیە خاوەنی دوو نازناوە و چاوی لە بردنەوەی نازناوی دیکەشە.