عێراق و ئەمەریکا داوای چارەسەریی کێشەی کۆمپانیا نەوتییەکانی هەرێمی کوردستان دەکەن
فوئاد حوسێن، جێگری سەرۆک وەزیرانی عێراق و وەزیری دەرەوە، لە میانی کۆبوونەوەی وەزاری هاوپەیمانی نێودەوڵەتی دژی داعش لە ئەمەریکا، لەگەڵ باڵیۆز جۆن باس و باڵیۆز جێفری بایت بەرپرسی کاروباری وزە، داوای چارەسەریی کێشەی کۆمپانیا نەوتییەکانی هەرێمی کوردستانیان کرد.
وەزیری دەرەوەی عێراق فوئاد حوسێن لەگەڵ باڵیۆز جۆن باس و باڵیۆز جێفری بایت بەرپرسی کاروباری وزە کۆبووەوە بۆ تاوتوێکردنی هاوکاریی لە بواری وزە و دڵنیابوون لە چارەسەرکردنی ناکۆکیەکانی پەیوەست بە هەناردەکردنی نەوت، هەروەها دڵنیابوون لە هەناردەکردنی نەوتی عێراق و کەنداو لە ڕێگەی پاراستنی رێڕەوەکان، ئەوەش لەچوارچێوەی کۆبوونەوەی وەزاریی هاوپەیمانانی دژی داعش کە لە وواشنتن بەڕێوەچوو.
پێنجشەممە 3ـی تشرینی یەکەمی 2024، فوئاد حوسێن، جێگری سه رۆک وه زیران و وه زیری ده ره وەی عێراق لەگەڵ جێگری وەزیری دەرەوەی ئەمەریکا بۆ کاروباری بەڕێوەبردن باڵیۆز جۆن باس و باڵیۆز جێفری بایت بەرپرسی کاروباری وزە لە پەراوێزی کۆبوونەوەی وەزیرانی هاوپەیمانی جیهانی بۆ تێکشکاندنی داعش لە واشنتن کۆبوونەوە.
له کۆبوونه وه که دا گفتوگۆ له سه ر پته وکردنی هاوکاریی هاوبەش له بوارەکانی وزه و نەوت و ئابووری و به بەردەوامی هەوڵە دیپلۆماسییەکان بۆ پاراستنی سەقامگیریی و ئاسایشی عێراق کرا، هەردوولا جەختیان لەسەر پێویستی پاراستنی ڕێڕەوە دەریاییەکان کرد بۆ مسۆگەرکردنی هەناردەکردنی نەوتی عێراق و کەنداو له ڕێگەی پاراستنی ئەو ڕیڕەوە ئاوییانە.
هەر لە کۆبوونەوەکەدا، جەخت لە بەردەوامی دیالۆگی نێوان بەغدا و هەولێر و کۆمپانیا نەوتییەکان کرا کە لە هەرێمی کوردستانی عێراق کار دەکەن بۆ دڵنیابوون لە چارەسەرکردنی ناکۆکییەکانی پەیوەست بە هەناردەکردنی نەوت.
هاوکات ڕەوشی ئه منی ناوچەکە و کاردانەوەکانی گرژییەکان و کاریگەرییەکانی لەسەر سەرچاوەکانی وزه و نەوت تاوتوێکران.
هەردوولا جەختیان لەسەر گرنگی بەردەوامی هاوکاریی نێوان ئەمریکا و عێراق کردەوە بۆ دڵنیابوون لەوەی وڵاتەکە بەرەو هیچ گرژییەکی ناوچەکە نەڕوات و کارکردن بۆ چارەسەرکردنی ئەو ئاستەنگانەی کە بەهۆی ئاڵۆزییەکانی ناوچەکەوە دروست بوون.
لای خۆیەوە باڵیۆز باس پێشوازیی لە بەشداریکردنی عێراق لە کۆبوونەوەی وەزاری هاوپەیمانی نێودەوڵەتی کرد.