مێسی بەشداریی مۆندیالی 2025ـی یانەکان دەکات؟
سەرچاوەیەکی بەریتانی ئاشکرای کردووە، یانەی ئینتەر مەیامی کە لیۆنێل مێسی ئارجێنتینی یاریی بۆ دەکات، بەشداریی لە مۆندیالی یانەکان بۆ ساڵی 2025 دەکات، بڕیارە ئەم پاڵەوانیەتییەش لە مانگی حوزەیرانی داهاتوو لە ئەمریکا بەڕێوەبچێت.
پێگەی "گیڤ می سپۆرت" بڵاویکردەوە، ئینتەر مەیامی دوای ئەوەی نازناوی قەڵغانی هاندەرانی خولی ئەمریکای بەدەستهێنا، بەشداریی لە مۆندیالی یانەکان دەکات، بەمەش لیۆنێل مێسی ئەفسانەی ئارجێنتینا و خاوەنی 8 خەڵاتی باڵۆن دۆر، جارێکی دیکە دژی زلهێزەکانی ئەوروپا یاریی دەکاتەوە.
لەلایەن خۆیەوە، ئێستیبان ئێدولی رۆژنامەنووسی ئارجێنتینی لە تۆڕی ئی ئێس پی ئێن بڵاویکردەوە، بە یانەی ئینتەر میامی راگەیەندراوە بەشداریی لە مۆندیالی 2025ی یانەکان دەکات و لە چەند رۆژی داهاتوو بەفەرمی ئەم هەواڵە بڵاو دەکرێتەوە.
Inter Miami ya fue notificado que jugará el mundial de clubes. En los próximos días se hará oficial.
— Esteban Edul (@estebanedul) October 3, 2024
Messi volverá a jugar contra gigantes europeos. pic.twitter.com/bifOHkuYFp