گۆڵپارێزە نوێیەکەی بارسێلۆنا جگەرەکێشە
دوای پێکانەکەی تێر شتیگن، بارسێلۆنا بە ناچاری گرێبەستی لەگەڵ چیزنی گۆڵپارێزی پۆڵەندی واژۆ کرد، گەرچی ئەم گۆڵپارێزە بە یەکجاری وازی لە یاریکردن هێنابوو، بەڵام لەپێناو بارسێلۆنا لە بڕیارەکەی پەشیمان بووەوە و گەڕایەوە یاریکردن.
بابەتی جگەرەکێشانی چیزنی بووەتە باسی میدیاکانی ئیسپانیا و ئەوروپا، ئەم بابەتە کاردانەوەی گەورەی بەدوای خۆیدا هێناوە.
رۆژنامەی "مۆندۆ دیپۆرتیڤۆی" ئیسپانی، ئاشکرای کردووە: چیزنی ساڵانێکە لەژێر ڕێنمایی پزیشک جگەرە وەکو هۆیەک بۆ هێوربوونەوەی دەکێشێت، ئەم گۆڵپارێزە دووپاتیدەکاتەوە پچڕ پچڕ جگەرە دەکێشێت، چونکە پێیوایە سوودی بۆی هەیە.
چیزنی لە ساڵی 2015 ئەوکاتەی لە ئارسێناڵ بوو، لە ژووری جل گۆڕینی یاریزانان جگەرەی کێشاوە، لە ساڵی 2021 لەلایەن رۆژنامەنووسانەوە وێنەی گیرا و ئاشکرا کرا بەر لە یارییەکەی پۆڵەندا و ئیسپانیا جگەرەی کێشاوە.
لە ساڵی 2022، دوای سەرکەوتنەکەی پۆڵەندا بەرامبەر وێڵز، چیزنی لە گەرماو جگەرەی کێشا و دواتر بە ڕاهێنەرەکەی گوت ئەمە دووکەڵ نییە و هەڵمی ئاوی گەرماوەکەیە.
لە یوڤێنتۆس، چیزنی ڕوونیکردەوە ئەو لەژێر ڕێنمایی پزیشکی دەروونی جگەرە دەکێشێت و ئارامی دەکاتەوە.
Szczesny is not a regular smoker anymore. He only smokes occasionally.
— Barça Universal (@BarcaUniversal) October 5, 2024
— @mundodeportivo pic.twitter.com/Ib8KSOi6K5