ئەدێل 5 خەڵاتی گرامی بۆ باشترین ئەلبووم و گۆرانی بەدەستھێنا
ھونەرمەند بیۆنسێ دوو خەڵاتی بردەوە
K24 - ھەولێر
ھونەرمەندی بریتانی، ئەدێل 5 خەڵاتی "گرامی" بۆ گۆڕانی ساڵ بردییەوە، پاش ئەوەی نوێترین بەرھەمەكەی، Hello خەڵاتی باشترین ئەلبووم و باشترین تۆمار و باشترین گۆرانی لە خەڵاتەكانی گرامی بەدەستھێنا.
شەوی یەكشەممەی رابردوو 59مین خەڵاتەكانی ساڵانەی گرامی لە لۆس ئەنجلس دابەشكران و ھونەرمەندی 28 ساڵەی بەریتانی، ئەدێل بەرامبەر ھونەرمەند بیۆنسێ خەڵاتی ساڵی باشترین گۆڕانی و ئەلبووم و تۆماری گۆڕانی بردەوە.
دەیلی مەیل بڵاوی كردەوە ھەر لەم رێورەسمەدا خەڵات بەخشرایە ئەلبوومی (بلاكستار)ی ھونەرمەندی كۆچكردوو دییڤید بۆوی، كە دوا ئەڵبومی بوو.
ھونەرمەند بیۆنسێ كە بۆ 8 خەڵات پاڵێورابوو، دوو خەڵاتی بەدەستھێنا، بەڵام بەھۆی دووگیانی بوونی داوای لێبوردنی كرد كە نەیتوانی بچێتە سەر تەختی شانۆ بۆ خۆ نمایشكردن بە كراسە زێڕینەكەی.
ھەر لە رێورەسمی دابەشكردنی خەڵاتەكانی گرامی، ھونەرمەندی گەنجی بریتانی شارلۆت ئێما ئێچسن كە بە شارلی XCX ناسراوە، سەرنجی بەشدارانی رێورەسمەكە بۆ لای خۆی راكێشا كە بە كراسێكی سور خۆی نمایش كرد.
JS
