وەرزش

ئه‌و 10 ئه‌ستێره‌یه‌ی بارسێلۆنا زیندانی كردوون

له‌ گرێبه‌سته‌كانیان ئاماژه‌ به‌ نرخی خه‌یاڵی كراوه‌

2017-07-20 11:56

جیهان ئاردا توران لیۆنێل مێسی سێرخیۆ بۆسكێتس نێیمار دا سیلڤا

یانه‌ی بارسێلۆنا له‌ گواستنه‌وه‌ی هاوینه‌ی ئه‌مساڵ جۆرێك له‌ سیستی پێوه‌ دیاره‌، یاریزانه‌كانی بارسێلۆناش به‌ زه‌حمه‌ت ده‌توانن مافی ده‌ستبه‌رداربوونیان وه‌ربگرن، به‌هۆی ئه‌وه‌ی له‌ ناوه‌ڕۆكی گرێبه‌سته‌كانیان ئاماژه‌ به‌ نرخ و بڕگه‌ی خه‌یاڵی كراوه‌ كه‌ له‌م راپۆرته‌ به‌شێوه‌ی وێنه‌ خراوه‌ته‌ ڕوو.

1ـ لیۆنێل مێسی گرێبه‌سته‌كه‌ی تا 2021 له‌گه‌ڵ بارسێلۆنا و نرخی هه‌ڵوه‌شاندنه‌وه‌ی گرێبه‌سته‌كه‌ی 300 ملیۆن یۆرۆیه‌

2ـ نێیمار گرێبه‌سته‌كه‌ی له‌گه‌ڵ بارسێلۆنا له‌ 2021 كۆتایی دێت، نرخی هه‌ڵوه‌شاندنه‌وه‌ی 222 ملیۆن یۆرۆیه‌.

3ـ جیرارد پیكێ، گرێبه‌سته‌كه‌ی له‌ 2019 كۆتایی دێت، نرخی هه‌ڵوه‌شاندنه‌وه‌ی گرێبه‌سته‌كه‌ی 200 ملیۆن یۆرۆیه‌

4ـ بۆسكێتس، له‌ 2021 گرێبه‌سته‌كه‌ی ته‌واو ده‌بێت، 200 ملیۆن یۆرۆ وه‌ك نرخی هه‌ڵوه‌شاندنه‌وه‌ی جێگیر كراوه‌.

5ـ ئاندرێس ئینیێستا له‌ 2018 گرێبه‌سته‌كه‌ی ته‌واو ده‌بێت، نرخی هه‌ڵوه‌شاندنه‌وه‌ی گرێبه‌سته‌كه‌ی 200 ملیۆن یۆرۆیه‌.

6ـ لویس سوارێز گرێبه‌سته‌كه‌ی له‌ 2021 كۆتایی دێت، نرخی هه‌ڵوه‌شاندنه‌وه‌ی گرێبه‌سته‌كه‌ی 200 ملیۆن یۆرۆیه‌.

7ـ تێر شتیگنی گۆڵپارێز له‌ 2022 گرێبه‌سته‌كه‌ی ته‌واو ده‌بێت، نرخی هه‌ڵوه‌شاندنه‌وه‌ی 180 ملیۆن یۆرۆیه‌.

8ـ جۆردی ئالبا گرێبه‌سته‌كه‌ی له‌ 2020 له‌گه‌ڵ بارسێلۆنا كۆتایی دێت، نرخی هه‌ڵوه‌شاندنه‌وه‌ی 140 ملیۆن یۆرۆیه‌.

9ـ ئیڤان راكیتیچی كرواتی گرێبه‌سته‌كه‌ی تا 2021ـه‌، نرخی هه‌ڵوه‌شاندنه‌وه‌ی 110 ملیۆن یۆرۆیه‌.

10ـ ئاردا توران گرێبه‌سته‌كه‌ی تا 2020ـه‌ نرخی هه‌ڵوه‌شاندنه‌وه‌ی 110 ملیۆن یۆرۆیه‌.

ئەسعەد ئیسماعیل ,