پەیەدە دەبێتەوە خاڵی ناکۆکی ئەنجامنەدانی کۆنگرەی سۆچی
"پشتگوێ خستنی كورد له‌سووریا قه‌یرانه‌كه ئاڵۆزتر ده‌كات"
K24 - مۆسكۆ
مۆسكۆ هه‌نگاوه‌كانی خێراتر كردون به ئامانجی سازكردنی كۆنگره‌ی دیالۆگی نیشتیمانی سووریا له سۆچی، ئه‌گه‌رچی بریارە بوو له 28ی ئه‌م مانگه‌دا، كۆنگره‌كه به‌ڕێوه‌بچێت، به‌ڵام به‌هۆی ناكۆكییه‌كانی نێوان ئه‌نقه‌ره و مۆسكۆ له‌سه‌ر به‌شداری پێكردنی په‌یه‌ده له كۆنگره‌كه‌دا، تائێستا كاتی ئه‌نجامدانی كۆنگره‌كه دیار نییه، ئه‌ندامێكی ئه‌نجوومه‌نی فیدراڵی رووسیا ده‌ڵێ، مۆسكۆ هیچ به‌ڵێنێكی به كورد نەداوە وەك ئەمریكییەكان.