كاسیاس بۆ ركابه‌ریكردنی ریال مه‌درید ده‌گه‌ڕێته‌وه لالیگا
ماڵئاوایی له یانه‌ی پۆرتۆ ده‌كات
.jpg)
میدیاكانی پورتوگال ئاماژه‌یان بۆ ئه‌وه كردووه كه ئیكه‌ر كاسیاس له كۆتایی ئه‌م وه‌رزه ماڵئاوایی له یانه‌ی پۆرتۆ ده‌كات و ده‌گه‌ڕێته‌وه لالیگای ئیسپانیا.
ئیكه‌ر كاسیاسی ته‌مه‌ن 36 ساڵ له 2015 له یانه‌ی ریال مه‌دریده‌وه روویكرده پۆرتۆی پورتوگالی و ئه‌م وه‌رزه‌ش له‌گه‌ڵ یانه‌كه‌ی وه‌ك گۆڵپارێزی دووه‌م مامه‌ڵه‌ی له‌گه‌ڵ ده‌كرێت و له سه‌رجه‌م پاڵه‌وانێتییه‌كان ته‌نیا به‌شداریی له 16 یاری كردووه و له هاوینی ئه‌مساڵ بۆ په‌یوه‌ندیكردن به یانه‌ی ریال بێتیس ده‌گه‌ڕێته‌وه لالیگا.
رۆژنامه‌ی (ئابۆلا)ـی پورتوگالی ئاشكرای كردووه كه چه‌ندان یانه له ئه‌مریكا و خوله‌كانی دیكه گرێبه‌ستیان پێشكه‌شی ئیكه‌ر كاسیاس كردووه، به‌ڵام گۆڵپارێزه‌كه‌ی پێشووی ریال مه‌درید له نێو هه‌موو یانه‌كان بڕیاریداوه یانه‌ی ریال بێتیس هه‌ڵبژێرێت.
ئیكه‌ر كاسیاس 104 یاری له‌گه‌ڵ یانه‌ی پۆرتۆ كردووه و 75 گۆڵی لێكراوه، پێشتریش به درێسی ریال مه‌درید 510 یاری له لالیگا كردووه.
