ئه‌مشه‌و پورتوگال به‌بێ كریستیانۆ یارییه زه‌حمه‌ته‌كه‌ی ده‌كات
به‌هۆكارێكی تایبه‌ت كریستیانۆ له پورتوگال دوورخرایه‌وه
كریستیانۆ رۆناڵدۆ بۆ یارییه دۆستانه‌كه‌ی ئه‌مرۆی هه‌ڵبژارده‌كه‌ی به‌رامبه‌ر به‌لجیكا دوورخرایه‌وه، راهێنه‌ری پورتوگالیش هۆكاره‌كه‌ی ئاشكرا ده‌كات.
له یارییه‌كی دۆستانه و ئاماده‌كاری بۆ مۆندیالی 2018ـی رووسیا، له كاتژمێر 9:45 خوله‌كی شه‌و له بروسكیل پورتوگال ده‌بێته میوانی به‌لجیكا.
فێرناندۆ سانتۆس راهێنه‌ری پورتوگال بۆ ئه‌م یارییه كریستیانۆ رۆناڵدۆی كاپتنی هه‌ڵبژارده‌كه‌ی دوورخستۆته‌وه، له‌مباره‌یه‌وه ده‌ڵێت: كریستیانۆ وه‌رزێكی تاقه‌تپڕوكێنی پێشكه‌ش كردووه، بۆیه به‌شداری یارییه‌كه‌ی ئه‌مڕۆ ناكات.
سانتۆس به میدیاكانی راگه‌یاند كریستیانۆ به‌هۆی ئه‌م وه‌رزه دوور و درێژه‌ی له‌گه‌ڵ ریال مه‌درید پێشكه‌شی كردووه، موڵه‌تمان پێ داوه، پاشان بۆ 7ـی ئه‌م مانگه به‌رامبه‌ر جه‌زائیر ده‌گه‌ڕێته‌وه كه دوایین یاری و ئاماده‌كاری پورتوگال ده‌بێت بۆ مۆندیال.
