ماتویدی: دڵخۆشین كه باشترین یاریزانی تۆپی پێ په‌یوه‌ندی به یوڤی كرد
ماتویدی باسی په‌یوه‌ندیكردنی كریستیانۆ به یوڤێنتۆس ده‌كات
ماتوێدی ناوه‌ڕاستكاری یانه‌ی یوڤێنتۆس باس له هاتنی كریستیانۆ رۆناڵدۆ بۆ تیپه‌كه‌یان و بوون به پاڵه‌وانی مۆندیال ده‌كات.
ماتوێدی بۆ رۆژنامه‌ی لاگازێتا دیڵۆ سپۆرتی ئیتاڵی ده‌ڵێ كریستیانۆ رۆناڵدۆ باشترین یاریزانی تۆپی پێیه و له‌گه‌ڵ ئێمه به‌باشترین شێوه یاریی ده‌كات.
ماتوێدی ده‌شڵێت: من بوومه پاڵه‌وانی جامی جیهانی، رۆناڵدۆش یۆرۆی برده‌وه، به‌ڵام جامی جیهانی زۆر گرنگتره له یۆرۆ.
ناوبراو ئاماژه به‌وه‌ش ده‌كات سه‌رجه‌م یاریزانه‌كانی یوڤێنتۆس دڵخۆش بوون كه فڕه‌نسا بووه پاڵه‌وان و هه‌موویان پیرۆزباییان لێكردووم، هه‌مووشیان به‌هاتنی كریستیانۆ بۆ یوڤی دڵخۆشن.
كریستیانۆ رۆناڵدۆ له هاوینی ئه‌مساڵ به 105 ملیۆن یۆرۆ له یانه‌ی ریال مه‌دریده‌وه په‌یوه‌ندی به یانه‌ی یوڤێنتۆس كرد و دووشه‌ممه‌ی رابردوو به فه‌رمی به میدیاكان ناسێندرا.