به فه‌رمی هێنری به راهێنه‌ری ئه‌م یانه‌یه ده‌ستنیشان كرا
هێنری یه‌كه‌مین ئه‌زموونی وه‌ك راهێنه‌ری یانه‌یه‌ك له ئه‌ورووپا تاقی ده‌كاته‌وه
تیری هێنری بە فەرمی بووە راهێنەری یانەی مۆناکۆی وڵاتەکەی، له یه‌كه‌مین یاریش رووبه‌ڕووی یانه‌ی نیس ده‌بێته‌وه كه پاتریك ڤیێرای هاونیشتیمانی راهێنه‌رایه‌تی ده‌كات و پێشتر هه‌ردووكیان ساڵانێكی زۆر هاوشانی یه‌كتر یارییان بۆ ئارسێناڵ كردووه.
ماڵپەری فەرمی یانەی مۆناکۆی فڕەنسی بەیاننامەیەکی بڵاوکردەوە و لەم بەیاننامەیەدا هاتووە کە لەگەڵ هێنری یاریدەری رۆبێرتۆ مارتینێزی راهێنەری هەڵبژاردەی بەلجیکا گەیشتونەتە رێکەوتن و یاریزانی پێشووی یانەکەیان و هەڵبژاردەی وڵاتەکەیان بۆ ماوەی سێ وەرز راهێنەرایەتی یانەکەیان دەکات.
هێنری 41 ساڵان لە ساڵی1992 پەیوەندی بە ئەکادیمیای مۆناکۆوە کرد و تا ساڵی1999 بەرەو یانەی یۆڤێنتوسی ئیتاڵی هەنگاوی هاوێشت و دواجاریش لە ساڵی2012 بە یەکجاری وازی لە یاریکردن هێنا.
تیری هێنری لە ژیانی وەرزشیدا لەگەڵ یانەکان بەشداری 581 یاری کردووە و 284 گۆڵی کردووە، هەروەها لەگەڵ هەڵبژاردەی وڵاتەکەشی بەشداری 123 یاریکردووە و خاوەنی53 گۆڵە.
