بارانبارین دەست پێدەكاتەوە

K24 - ھەولێر

بەگوێرەی پێشبینیەكانی كەشناسی شەپۆلێكی دیكەی بارانبارین روو لە ھەرێمی كوردستان دەكات.

بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای ئەمڕۆ و سبەی راگەیاند و پێشبینی كردووە، ئەمڕۆ ئاسمان ھەور و تەم بێت و دواتر دەگۆڕێت بۆ نیمچە ھەور.

لەبارەی كەشوھەوای سبەی كەشناسی رایگەیاندووە، رۆژی پێنجشەممە ئاسمان ھەوری تەواو دەبێت لەگەڵ بارانبارین لەكاتی جیاجیا و لە ناوچە شاخاوییەكان رێژەی بارانبارین زیاتر دەبێت.