بۆ يه‌كه‌مجاره‌.. پێشمه‌رگه‌ ده‌چێته‌ ريزى پاسه‌وانى شه‌ره‌فى عێراق

K24 – هه‌ولێر:

له‌ مه‌راسيمێكدا به‌ به‌شدارى تيمێكى پێشوازى هێزى پێشمه‌رگه‌ى كوردستان، سه‌رۆك وه‌زيرانى عێراق، عادل عه‌بدولمه‌هدى پێشوازى له‌ هاوتا ئوسترالييه‌كه‌ى، سكوت موريسۆن كرد.

دوێنێ سه‌رۆك وه‌زيران له‌ مه‌راسيمێكى تايبه‌تدا و به‌ ئاماده‌بوونى تيمه‌كانى پاسه‌وانى شه‌ره‌ف پێشوازى له‌ سه‌رۆك وه‌زيرانى ئوستراليا كرد.

ئه‌وه‌ى مه‌راسيمه‌كه‌ى له‌ هاوشێوه‌كانى جياده‌كرده‌وه‌، ئه‌مجاره‌، له‌ ريزى پاسه‌وانى شه‌ره‌فدا تيمێكى هێزى پێشمه‌رگه‌ و حه‌شدى شه‌عبى له‌ ريزى پاسه‌وانى شه‌ره‌فدا به‌شدارييان له‌ مه‌راسيمه‌كه‌ كرد و ئه‌وه‌ يه‌كه‌مجاره‌ له‌ دواى 2003ه‌وه‌ له‌ ئاستێكى پرۆتۆكۆلى باڵادا به‌و جۆره‌ پێشوازى له‌ سه‌رۆك وه‌زيرانى وڵاتێكى بيانى بكرێت.