سەركردەیەكی داعش كوژرا

K24 - ھەولێر

لە شاری مووسڵ سەركردەیەكی داعش كوژرا و 17 تۆمەتباریش دەستگیركران، لە سەڵاحەدینیش 3 رفێنراو رزگار كران.

سەرچاوەیەكی ئەمنی لە پارێزگای ئەنبار رایگەیاند، لە بۆردوومانێكی فڕۆكە جەنگییەكانی عێراقدا، تونێلێكی چەكدارانی داعش لە رۆژئاوای رومادی تەقێنرایەوە و دوو چەكداریش كوژران.

ئاماژە بەوەشكراوە، لە پرۆسەیەكی ئەمنیشدا لە سنوری پارێزگای سەڵاحەدین، 3 رفێنراو لەدەست داعش رزگاركران و گەڕانیش بەدوای چوارەمیان بەردەوامە.

لە لایەكی دیكە و لە ناوچەی بادوش لە رۆژئاوای مووسڵ، سەركردەیەكی داعش كوژراو  17 كەسیش بە تۆمەتی ئەندامبوون لە رێكخراوەكە دەستگیركران.