به‌ فه‌رمی ماڕادۆنا به‌ راهێنه‌ری ئه‌م یانه‌یه‌ ده‌ستنیشان كرا

دیێگۆ ئارماندۆ مارادۆنا به‌ راهێنه‌ری یانەی خیمناسیای وڵاتەکەی دەست نیشانکرا، ئه‌م یانه‌یه‌ ده‌بێته‌ حه‌وته‌مین یانه‌ كه‌ ئه‌فسانه‌ ئارجێنتینایه‌كه‌ كاری له‌گه‌ڵ كردوون.

هێرشبەری پێشووی هەڵبژاردەی ئارجێنتینا بە شێوەیەکی فەرمی وەکو راهێنه‌ری یانەی خیمناسیای وڵاتەکەی دەنیشانکرا، ئەم یانەیە لە خولی سوپەری ئارجێنتینا دوای تێپەڕبوونی پێنج گەڕ، تەنیا یەک خاڵیان بەدەست هێناوە.

ئەفسانەکەی تانگۆ هەرچەندە باری تەندروستی ناجێگیرە، بەڵام لە ماوەی یەک ساڵی رابردوو چەندەمینجارە ئەرکی راهێنەرایەتی و سەرۆکایەتی یانەیەک وەردەگرێت.