وەزارەتی کشتوکاڵ هاوردەکردنی هەنگوینی قەدەغە کرد

K24 – هه‌ولێر:

بێگەرد تاڵەبانی، وەزیری کشتوکاڵ و سەرچاوەکانی ئاوی حکوومەتی هەرێمی کوردستان رایگەیاند، هاوردەکردنی هەنگوین بۆ هەرێمی کوردستان قەدەغەکراوە.

وەزیری کشتوکاڵ بە کوردستان24ی راگەیاند: "ئەمڕۆ واژۆم لەسەر قەدەغەکردنی هاوردەکردنی هەنگوینی بیانی بۆ ناو هەرێمی کوردستان کردووە و تا ماوەیەکی دیاریکراو هێنانی ئەو بەرهەمە بۆ ناو هەرێمی کوردستان رێگای پێ نادرێت".

وەزیری کشتوکاڵ ئاماژەی بەوەشکرد، ئەم ساڵ بەروبوومی هەنگوینی هەنگەوانان لەهەرێمی کوردستان زۆر باش بووە و دەتوانێت پێداویستی ناوخۆیی پڕ بکاتەوە، بۆیە پێویست بە بەرهەمی دەرەکیی ناکات.

H.J