ھێزەكانی توركیا لە رۆژئاوای كوردستان ھێرش دەكەنە سەر سوپای سووریا
ھێزەكانی رژێمی سووریا وەڵامی ھێرشەكەیان داوەتەوە
K24 - ھەولێر
شەوی رابردوو سوپای توركیا و گرووپە چەكدارەكانی سەر بە ئەنقەرە، لە دەوروبەی تل تەمر ھێرشیان كردە سەر سوپای سووریا.
بەگوێرەی میدیاكانی نزیك لە ھەسەدە، درەنگانی شەوی رابردوو سوپای توركیا و گرووپە چەكدارەكانی سەر بە ئەنقەرە، بە چەكی گران ھێرشیان كردووەتە سەر خاڵەكانی سوپای سووریا لە گوندی ئوم كێف لە دەورووبەری شاری تل تەمری رۆژئاوای كوردستان و ھێزەكانی حكوومەتی سووریاش بە چەكی گران وەڵامی ھێرشەكەیان داوەتەوە و ھێرشەكە تێكشكێندراوە.
وەك ئاماژەی پێكراوە، ھەردوولا چەكی گەورەیان بەكارھێناوە، بەڵام تا ئێستا زیانە گیانییەكانی ھێرشەكە نەزاندراون.
