ئێران نوێترین ئاماری تووشبووان بە ڤایرۆسی کۆرۆنای بڵاوکردەوە

K24 – هه‌ولێر:

وەزارەتی تەندروستی ئێران بڵاویکردەوە، لە ماوەی 24 کاتژمێری رابردوو، 44 حاڵەتی نوێ لە ئێران تۆمار کراوە.

ئاشکراشیکرد، تاوەکو ئێستا 139 کەس تووشبوی ڤایرۆسەکەن و 19 کەسیش گیانیان لەدەستداوە.

تووشبووە نوێکان، 9 کەسیان لە شاری گیلانن، چوار لە تاران، سێ خوزستان. هەروەها  لە سیستان و بلوجستان، کۆھگیلوویە و بۆیەر ئەحمەد و فارس دوو کەس و لە مەرکەزی، کرمانشان، ئەردەبیل، مازندەران، لورستان، سێمنان و هورموزگان یەک کەس.