26 عێراقی له رووداوێکی هاتوچۆدا له سووریا گیانیان لەدەست دا

K24 – هه‌ولێر:

ئەمڕۆ گوتەبێژی وەزارەتی دەرەوەی عێراق رایگەیاند، له رووداوێکی هاتوچۆدا له سووریا، 26 عێراقی گیانیان لەدەست دا.

رووداوەکه له نێوان پاسێکی گەشتیاری و تانکەرێکی سووتەمەنی روویدا.

ئەحمەد سەحاف گوتەبێژی وەزارەتی دەرەوەی عێراق جەختی کردەوه، رووداوەکه رووداوێکی ئاسایی هاتووچۆ بوو‌ه و پەیوەندیی به هێرشی تیرۆریستییەوه نییه.

سەحاف گوتی، تەرمەکان بۆ عێراق دەگوازرێنەوه.

لەم رووداوەدا، 32 کەس گیانیان لەدەست داوه که 26یان عێراقی بوونه و 77 کەسیش بریندار بوو‌ن.