نەوت بەرز دەبێتەوە

K24 - ھەولێر

دوای ئەو دابەزینە بەرچاوەی دوێنێ دووشەممە، ئەمڕۆ نرخی نەوت لە بازاڕەکانی جیهان بە رێژەی لە 8% بەرزبووەوە، کە هۆکارەکەی گەشبینی وەبەرهێنەرانە بە پاڵپشتییە ئابوورییەکان و کەمبوونەوەی تۆمارکردنی حاڵەتی نوێی ڤایرۆسی کۆرۆنا.

گرێبەستەکانی داهاتووی نەوتی خاوی برێنت بە رێژەی لە 8.3% بۆ ئاستی 37 دۆلار و دوو سەنت بەرزبووەوە، بەرمیلێک نەوتی سووکی تێکساسی ئەمریکاش بە رێژەی لە 7.9% بۆ ئاستی 33 دۆلار و 59 سەنت بەرزبووەوە.

ئەمە لە کاتێکدایە، ئەو دوو جۆرە نەوتە خاوە، دوێنێ دووشەممە بۆ کەمترین ئاستەکانی چوار ساڵی رابردووی دابەزی و لە دوای جەنگی کەنداو گەورەترین دابەزینیان تۆمارکرد.