داوا دەكرێت ئینتەرنێت لە عێراق بكرێتە بێبەرامبەر

K24 - ھەولێر

وەزارەتی پەروەردەی عێراق داوای له وەزارەتی گواستنەوه و گەیاندن کردووه، ئینتەرنێت خێراتر بکات و خزمەتگوزارییەکه بکاته بێبەرامبەر.

وەزیری پەروەردەی عێراق سوها خەلیل، داوای له وەزارەتی پەیوەندییەکان کردووه، هێڵی ئینتەرنێت بەهێز بکات و ئەگەر بشکرێت بیکاته بێبەرانبەر، ئەمەش بۆ ئەوەی بارگرانی لەسەر بنەماڵەی قوتابییەکان دروست نەکات.

وەزیری پەروەرده داوای له وەزارەتی گواستنەوە و گەیاندن کردووه، لیژنەیەکی تایبەت بۆ ئەم مەبەسته بنێرێت.

وەزارەتی پەروەردەی عێراق له راگەیاندراوێکدا راشیگەیاندووە: "ئەم داواکارییه دوای هەڵمەتی فێرکاریی ئەلیکترۆنی هات که تێیدا داوا له ناوەندەکانی پەروەرده دەکات له رێگەی تۆڕه کۆمەڵایەتییەکان وانەکان بڵێنەوه".