عێراق 70 حاڵەتی نوێی تووشبوون بە كۆرۆنای راگەیاند

K24- هەولێر:

لە بەیاننامەیەكدا وەزارەتی تەندروستی عێراق ئاماری 24 كاتژمێری رابردووی تووشبوون، مردن و چاكبوونەوەی ڤایرۆسی كۆرۆنای راگەیاند.

بە گوێرەی بەیاننامەكە، لە ماوەی 24 كاتژمێری رابردوودا 70 حالەتی نوێی تووشبوون بە پەتاكە بەم شێوەیەی خوارەوە بە پارێزگاكانی هەرێمی كوردستانیشەوە تۆماركراون:

• بەغدا: 4 حاڵەت
• بەسرە: 9 حاڵەت
• نەجەف: 4 حاڵەت
• كەربەلا: 2 حاڵەت
• زیقار: 7 حاڵەت
• سلێمانی: 3 حاڵەت
• هەولێر: 41 حاڵەت

هەر بەگوێرەی بەیاننامەی وەزارەتی تەندروستی عێراق، لە ماوەی شەو و رۆژێكدا 3 كەس بەهۆی كۆرۆنا گیانیان لەدەستداوە، بە شێوەیەك: "2 حاڵەت لە بەسرە و حاڵەتێكیش لە ناوچەی روسافەی شاری بەغدا".

هەروەك 65 كەسیش بە تەواوی لە پەتاكە چاك بوونەتەوە، بەو ریزبەندییەی خوارەوە:

- نەجەف: 26 حاڵەت

- ره‌سافە: 12 حاڵەت

- بەسرە: 10 حاڵەت

- واست: 3 حاڵەت

- سلێمانی: 11 حاڵەت

- هەولێر: 2 حاڵەت

- دهۆك: 1 حاڵەت

لە ئامارەكەدا هاتووە، تا ئێستا كۆی تووشبووان بە ڤایرۆسی كۆرۆنا لە سەرانسەری عێراق ژمارەیان گەیشتووەتە هەزار و 31 حاڵەت، لەكاتێكدا 61 كەس بەهۆی پەتاكەوە گیانیان لەدەستداوە و 344 كەسیش بە تەواوی لە ڤایرۆسەكە چاك بوونەتەوە.

H.B