وه‌زاره‌تی ته‌ندروستی عێراق دوا ئاماری كۆرۆنای راگه‌یاند

K24- هه‌ولێر:

له‌ به‌یاننامه‌یه‌كدا وه‌زاره‌تی ته‌ندروستی عێراق ئاماری 24 كاتژمێری رابردووی تووشبوون، چاكبوونه‌وه‌ و مردن به‌هۆی كۆرۆنای له‌ سه‌رانسه‌ری عێراق به‌ پارێزگاكانی هه‌رێمی كوردستانیشه‌وه‌ راگه‌یاند.

به‌گوێره‌ی راگه‌یه‌ندراوه‌كه‌، له‌ ماوه‌ی 24 كاتژمێردا پشكنینی پزیشكی بۆ هه‌زار و 731 كه‌س كراوه‌، له‌و ژماره‌یه‌ش 39 حاڵه‌تی نوێی تووشبوون به‌ ڤایرۆسه‌كه‌ به‌م شێوه‌یه‌ی خواره‌وه‌ تۆماركراون:

- به‌غدا/ روسافه‌: 8 حاڵه‌ت

- به‌غدا/ كه‌رخ: 1 حاڵه‌ت

- به‌غدا/ شاری پزیشكی: 3 حاڵه‌ت

- نه‌جه‌ف: 2 حاڵه‌ت

- سلێمانی: 1 حاڵه‌ت

- كه‌ربه‌لا: 2 حاڵه‌ت

- به‌سره‌: 9 حاڵه‌ت

- واست: 3 حاڵه‌ت

- موسه‌ننا: 2 حاڵه‌ت

- زیقار: 3 حاڵه‌ت

- كه‌ركووك: 5 حاڵه‌ت

وه‌ك له‌ راگه‌یه‌ندراوه‌كه‌دا هاتووه‌، له‌ ماوه‌ی شه‌و و رۆژیكدا دوو حاڵه‌تی مردن به‌هۆی په‌تای كۆرۆنا تۆماركراون، به‌ شێوه‌یه‌ك حاڵه‌تێك له‌ سلێمانی و یه‌كێكی دیكه‌ش له‌ به‌غدا.

هاوكات ئاماژه‌ به‌وه‌ش ده‌دات، 51 تووشبووی دیكه‌ به‌ ته‌واوی له‌ په‌تاكه‌ چاك بوونه‌ته‌وه‌، به‌م شێوه‌یه‌ی خواره‌وه‌:

- به‌غدا/ كه‌رح: 3 حاڵه‌ت

- نه‌جه‌ف: 16 حاڵه‌ت

- هه‌ولێر: 11 حاڵه‌ت

- به‌سره‌: 5 حاڵه‌ت

- موسه‌ننا: 11 حاڵه‌ت

- نه‌ینه‌وا: 4 حاڵه‌ت

- بابل: 1 حاڵه‌ت

تا ئێستا كۆی گشتی تووشبووان به‌ ڤایرۆسی كۆرۆنا له‌ عێراق، ژماره‌یان بۆ هه‌زار و 318 حاڵه‌ت به‌رز بووه‌ته‌وه‌، له‌و ژماره‌یه‌ش تا ئێستا 72 كه‌س گیانیان له‌ده‌ستداوه‌، له‌ كاتێكدا 601 كه‌سیش به‌ ته‌واوی له‌و په‌تایه‌ چاك بوونه‌ته‌وه‌.

H.B