له‌ 24 كاتژمێری رابردوودا هیچ حاڵه‌تێكی مردن به‌ كۆرۆنا له‌ عێراق تۆمارنه‌كرا

K24- هه‌ولێر:

وه‌زاره‌تی ته‌ندروستی عێراق ئاماری 24 كاتژمیری رابردووی تووشبوون، مردن و چاكبوونه‌وه‌ی به‌ ڤایرۆسی كۆرۆنا له‌ سه‌رانسه‌ری عێراق به‌ پارێزگاكانی هه‌رێمی كوردستانیشه‌وه‌ راگه‌یاند و به‌گوێره‌ی راگه‌یه‌ندراوه‌كه‌، پشكنینی پزیشكی بۆ 2 هه‌زار و 226 گومانلێكراو و به‌ركه‌وته‌ ئه‌نجامدراو و له‌ ده‌ره‌نجامه‌كاندا 26 حاڵه‌تی نویی تووشبوون به‌و ڤایرۆسه‌ به‌م شێوه‌یه‌ی خواره‌وه‌ پشتڕاست كرایه‌وه‌:

- به‌غدا/ كه‌رخ: 2 حاڵه‌ت

- به‌غدا/ شاری پزیشكی: 3 حاڵه‌ت

- نه‌جه‌ف: 1 حاڵه‌ت

- به‌سره‌: 17 حاڵه‌ت

- واست: 1 حاڵه‌ت

- بابل: 1 حاڵه‌ت

- زیقار: 1 حاڵه‌ت

وه‌زاره‌تی ته‌ندروستی عێراق دووپاتیشی كرده‌وه‌، له‌ ماوه‌ی ئه‌و 24 كاتژمێره‌دا هیچ حاڵه‌تێكی گیانله‌ده‌ستدان به‌هۆی كۆرۆنا تۆمارنه‌كراوه‌، له‌كاتێكدا 56 حاڵه‌تی چاك بوونه‌وه به‌م شێوه‌یه‌ی خواره‌وه‌ پشتڕاست كراونه‌ته‌وه‌:

- به‌غدا/ كه‌رخ: 2 حاڵه‌ت

- به‌غدا/ شاری پزیشكی: 1 حاڵه‌ت

- نه‌جه‌ف: 18 حاڵه‌ت

- سلێمانی: 10 حاڵه‌ت

- هه‌ولێر: 13 حاڵه‌ت

‌- به‌سره‌: 6 حاڵه‌ت

- زیقار: 2 حاڵه‌ت

- كه‌ربه‌لا: 1 حاڵه‌ت

- كه‌ركووك: 1 حاڵه‌ت

- واست: 2 حاڵه‌ت

به‌مه‌ش كۆی حاڵه‌ته‌كانی تووشبوون به‌ ڤایرۆسی كۆرۆنا له‌ سه‌رانسه‌ری عێراق به‌ هه‌رێمی كوردستانیشه‌وه‌، ژماره‌یان گه‌یشتووه‌ته‌ هه‌زار و 539 حاڵه‌ت، له‌و ژماره‌یه‌ش 82 كوس به‌هۆی په‌تاكه‌وه‌ گیانیان له‌ده‌ستداوه‌، له‌كاتێكدا تا ئێستا هه‌زار و 9 كه‌س له‌ ڤایرۆسه‌كه‌ چاك بوونه‌ته‌وه‌.

H.B