تا دێت ژماره‌ی تووشبووانی كۆرۆنا له‌ عێراق روو له‌ زیادبوون ده‌كات

K24- هه‌ولێر:

وه‌زاره‌تی ته‌ندروستی عێراق ئاماری 24 كاتژمێری رابردووی تووشبوون، مردن و چاكبوونه‌وه‌ی كۆرۆنای له‌ سه‌رانسه‌ری وڵات به‌ پارێزگاكانی هه‌رێمی كوردستانیشه‌وه‌ راگه‌یاند.

به‌گوێره‌ی راگه‌یه‌ندراوه‌كه‌ی وه‌زاره‌تی ته‌ندروستی عێراق، له‌ ماوه‌ی 24 كاتژمێری رابردوودا پشكنینی پزیشكی بۆ 4 هه‌زار و 183 گومانلێكراو ئه‌نجامدراوه‌ و تووشبوونی 119 كه‌سی دیكه‌ به‌ په‌تاكه‌ به‌م شێوه‌یه‌ی خواره‌وه‌ پشتڕاست كرایه‌وه‌:

به‌غدا/ روسافه‌: 35 حاڵه‌ت

به‌غدا/ كه‌رخ: 34 حاڵه‌ت

به‌غدا/ شاری پزیشكی: 13 حاڵه‌ت

به‌سره‌: 32 حاڵه‌ت

موسه‌ننا: 2 حاڵه‌ت

دیاله‌: 1 حاڵه‌ت

نه‌ینه‌وا: 2 حاڵه‌ت

وه‌ك له‌ راگه‌یه‌ندراوه‌كه‌دا هاتووه‌، له‌ ماوه‌ی شه‌و و رۆژێكدا 3 كه‌س به‌هۆی په‌تاكه‌ له‌ شاری به‌غدا گیانیان له‌ده‌ستداوه‌، دووانیان له‌ ناوچه‌ی شاری پزیشكیی به‌غدا و ئه‌وی دیكه‌یان له‌ ناوچه‌ی روسافه‌ی ئه‌و شاره‌، له‌كاتێكدا 63 حاڵه‌تی چاكبوونه‌وه‌ له‌ ڤایرۆسه‌كه‌ راگه‌یه‌ندرا، وه‌ك ئه‌مه‌ی خواره‌وه‌:

به‌غدا/ روسافه‌: 8 حاڵه‌ت

به‌غدا/ كه‌رخ: 5 حاڵه‌ت

به‌سره‌: 26 حاڵه‌ت

كه‌ركووك: 2 حاڵه‌ت

كه‌ربه‌لا: 7 حاڵه‌ت

میسان: 9 حاڵه‌ت

موسه‌ننا: 3 حاڵه‌ت

هه‌ولێر: 3 حاڵه‌ت

تا ئێستا كۆی ئه‌وانه‌ی له‌ سه‌رانسه‌ری عێراق تووشی په‌تاكه‌ بوونه‌ ژماره‌یان گه‌یشته‌ 3 هه‌زار و 303 حاڵه‌ت، له‌و ژماره‌یه‌ش 115 كه‌س به‌هۆی ڤایرۆسه‌كه‌وه‌ گیانیان له‌ده‌ستداوه‌ و هه‌زار و 966 كه‌سیش به‌ ته‌واوی چاك بوونه‌ته‌وه و 951 كه‌سیش هێشتا له‌ نه‌خۆشخانه‌كان ماونه‌ته‌وه‌‌.

H.B