بەهای تومەن جارێکی دیکە داكه‌وتنی تۆمار كرد
جارێكی دیكە بەرامبەر دۆلار دابەزی
K24 - ھەولێر
به‌های تومه‌نی ئێرانی، جارێكی دیكه له به‌رامبه‌ر دۆلاری ئه‌مەریكی داكه‌وتنی تۆمار كرد و نرخی زێریش به‌رده‌وامه له هه‌ڵكشان.
به كاریگه‌ری داكه‌وتنی گه‌شه‌ی ئابووری ئێران و زۆرتر بوونی خواستی هاووڵاتیانی ئێرانی، بۆ سه‌رمایه گوزاری له بازاڕی دراو و زێری ئه‌و وڵاته‌دا، به‌های تومه‌نی ئێرانی له به‌رامبه‌ر دۆلاری ئه‌مەریكی جارێكی دیكه داكه‌وتنی تۆمار كرد به جۆرێك به‌های هه‌ر 100 دۆلاری ئه‌مەریكی گه‌یشتوه‌ته یه‌ك ملیۆن و 750 هه‌زار تومه‌ن.
لە بازاڕەكانی ھەرێمی كوردستانیش ئەمڕۆ 100 ھەزار تومەنی ئێرانیی بەرامبەر بە 7000 دیناری عێراقییە.
