ئهو لایهنانهی له پهرلهمان دهكشێنهوه كورسییهكانیان دابهش دهكرێت
دوای ڕاگهیاندنی ئهنجامی ههڵبژاردنهكانی خولی شهشهمی پهرلهمانی کوردستان بهشێك له لیست و لایهنی سیاسی ناڕازی بوون بهو دهنگانهی بهدهستیان هێناوه، بهشێك لهوانە باس له كشانهوه له پهرلهمان دهكهن، بە کشانەوەی کۆمەڵی دادگەری لە پەرلەمانی کوردستان، كورسیی پارتی دیموکراتی کوردستان لە بازنەی هەولێر و سلێمانی زیاد دەکات و یەکێتیش کورسییەک زیاد دەکات،
کۆمەڵی دادگەری کشایەوە و ئەوەی ماوەتەوە بڕیاری کۆتایی بدا بەرەی هەڵوێستە، کۆمەڵی دادگەری سێ کورسی و بەرەی هەڵوێست چوار کورسی و بەهەردووکیان حەفت کورسی پەرلەمانییان هەیە.
کۆمەڵی دادگەری دەڵێت: سەرکردایەتی بە کۆی دەنگ ئەم بڕیارەی داوە، چاوەڕێی دوا ئەنجامەکانی کۆمسیۆنین.
لەگەڵ پرسی کشانەوەی هەر حزب و لایەنێک، ڕاستەوخۆ باسەکە دێتە سەر پڕکردنەوەی کورسییەکانیان، ئەوەی لەم هاوکێشەدا سوودمەندی یەکەم دەبێت، پارتی دیموكراتی كوردستان بە دوو کورسی، دواتر یەکێتی نیشتمانی كوردستانە و یەکگرتووی ئیسلامی كوردستان و بەرەی گەلە.
ئارام نەجمەدین، شارەزای بواری هەڵبژاردن، بە کوردستان24ـی ڕاگەیاند، ئەگەر کۆمەڵ لە پەرلەمانی بکشێتەوە دوو کورسی بۆ پارتی دەبێت و کورسییەکیشی بۆ یەکێتی دەبێت، ئەگەر بەرەی هەڵوێستیش بکشێتەوە کورسییەکانی بۆ یەکگرتوو، بەرەی گەل و سەردەم دەبێت.
ڕۆژی هەینی، 18ـی تشرینی یەکەم، دەنگدانی تایبەت و ڕۆژی یەکشەممەش، 20ـی تشرینی یەکەمی 2024، دەنگدانی گشتیی بۆ هەڵبژاردنی خولی شەشەمی پەرلەمانی کوردستان بەڕێوە چوو. بە گوێرەی ئامارەکانی کۆمیسیۆنی باڵای سەربەخۆی هەڵبژاردنەکانی عێراق، بە تێکڕا نزیکەی 70%ـی دەنگدەران بەشدارییان لە هەردوو دەنگدانەکەدا کردووە.
ژمارەی کورسیی لایەنە سیاسییەکان بەپێی ئەنجامی بەرایی:
پارتی دیموکراتی کوردستان: 39 کورسی
یەکێتیی نیشتمانیی کوردستان: 23 کورسی
جووڵانەوەی نەوەی نوێ: 15 کورسی
یەکگرتووی ئیسلامیی کوردستان: 7 کورسی
ڕەوتی هەڵوێست: 4 کورسی
کۆمەڵی دادگەریی کوردستان: 3 کورسی
بەرەی گەل: 2 کورسی
بزووتنەوەی گۆڕان: 1 کورسی
هاوپەیمانیی هەرێمی کوردستان: 1 کورسی
کۆتای پێکهاتەکان: 5 کورسی