له 24 كاتژمێری رابردوودا 587 مه‌كسیكی به كۆرۆنا گیانیان له‌ده‌ستدا
ئاماره‌كان هه‌ڵكشاوون
K24 – هه‌ولێر:
وه‌زاره‌تی ته‌ندروستی مه‌كسیك رایگه‌یاند، 587 كه‌سی دیكه به كۆرۆنا گیانیان له‌ده‌ستدا و 4 هه‌زار و 790 كه‌سی دیكه‌ش تووشی په‌تاكه بوون.
به راگه‌یاندنی ئه‌و ئه‌نجامه ژماره‌ی تووشبووانی كۆرۆنا له مه‌كسیك گه‌یشته 133 هه‌زار و 974 كه‌س. هه‌روه‌ها ژماره‌ی مردووانیش گه‌یشته 15 هه‌زار و 944 كه‌س.
رۆژی چوارشه‌ممه‌ی رابردوو، 4 هه‌زار و 883 كه‌س تووشی په‌تاكه ببوون و 708 كه‌سیش گیانیان له‌ده‌ستدابوو.
حكومه‌تی مه‌كسیك رایگه‌یاندووه، ژماره‌ی تووشبووان و مردووان به په‌تای كۆرۆنا زۆر له‌و ژماره‌یه زیاتره، ئاماره‌كان ته‌نیا ئه‌و كه‌سانه‌ی گرتووه‌ته‌وه، كه گه‌یه‌ندراونه‌ته نه‌خۆشخانه‌كان و خراونه‌ته ژێر چاودێرییه‌وه.
