شایستەی دارایی  کارمەندانی سەر سندوقی دەنگدان گەیشت و هەفتەی داهاتوو دابەش دەکرێت

پەیامنێری کوردستان24 نەورەس عەبدولڵا ڕایگەیاند: شایستەی دارایی  کارمەندانی سەر سندووقی دەنگدان گەیشتووە و بڕیارە هەفتەی داهاتوو لە 23 بانکی هەولێر و دەورووبەری دابەش بکرێت.

مەروان مەحەمەد سەرۆکی لقی هەولێری کۆمسیۆنی باڵای سەربەخۆی هەڵبژاردنەکان بە کوردستان24ـی راگەیاند: شایستەی دارایی کارمەندانی سەر سندووقی دەنگدان گەیشتووە، بەڵام هەندێک رێکاری کارگێڕی ماوە بۆ ئەوەی پارەکە بەسەر کارمەنداندا دابەشبکرێت.

مەروان مەحەمەد گوتیشی: چاوەڕێ دەکرێت رێکارەکان لە چەند رۆژی داهاتوو دا تەواوبکرێن و هەفتەی داهاتوو پارەکە دابەشبکرێت.