ئەمەریکا تۆڕێکی نێودەوڵەتی گواستنەوەی نەوتی ئێران بۆ چین سزا دەدات
ویلایەتە یەکگرتووەکانی ئەمەریکا سزایی دارایی تۆڕێکی نێودەوڵەتیدا کە کاری گواستنەوەی نەوتی ئێران بۆ چین دەکات، دەڵێت: ئەو تۆڕە نێودەوڵەتییە هاوکاری گەشەپێدانی چالاکییە سەربازییەکانی ئێران دەکات.
پێنجشەممە 6ـی شوباتی 2025، وەزارەتی گەنجینەی ئەمەریکا لە بەیاننامەیەکدا ڕایگەیاند: ئەو سزایە تۆڕێکی نێودەوڵەتی دەگرێتەوە کە کاری گواستنەوەی ملیۆنان بەرمیل نەوتی خاوی ئێران بۆ چین دەکات کە بەهای سەدان ملیۆن دۆلارە.
وەزارەتی دەرەوەی ئەمەریکاش لەسەر هەمان پرس بەیاننامەیەکی بڵاو کردووەتەوە و تێیدا دەڵێت: ئەو تۆڕە داهاتی نا یاسایی بۆ سووپای ئێران دابین دەکات، بەوەش هاوکاری گرووپەکانی حەماس و حزبولڵا دەکرێت.
سێشەممەی ڕابردوو، دۆناڵد ترەمپ، سەرۆکی ئەمەریکا ڕایگەیاند: بەردەوام دەبێت لە گرتنەبەری سیاسەتی فشار خستنە سەر ئێران بە توندی، بەهۆی هەوڵەکانی ئێران بۆ پێشخستنی پرۆژەی چەکی ئەتۆمی، گوتیشی: هیوا دەخوازم نەبێتە ئەرک لەسەرم ئەو سیاستە بەرامبەر ئێران بگرمە بەر.